Ngaˬ hui kanˉ te hkeuꞈ ve htaꞈ Yaˬhoˉvaˬ maˇ leunˇ

Teˇ pawˆ pawˆ kʼo, ngaˬ hui shu awˬ pon kanˉ te hkeuꞈ ve htaꞈ yawˇ hui awˬ hpfuhˇ maˇ shiˍ leh leunˇ vaiˇ jaˇ. Hkʼe kʼo, Yaˬhoˉvaˬ lehˬ ngaˬ hui yawˇ awˬ pon kanˉ te hkeuꞈ ve htaꞈ yawˇ hkʼaˬ hkʼe dawˇ ve le? Yaˬhoˉvaˬ lehˬ ngaˬ hui coˇ caˇ ve htaꞈ yawˇ awˬ hpfuhˇ shiˍ leh ngaˬ hui yawˇ ve kanˉ te hkeuꞈ ve htaꞈ yawˇ maˇ leunˇ. Ngaˬ hui maˇ chehˇ sha ve pa taw oˇ htaˇ hkʼe yawˇ ve kanˉ hkʼa dehꞈ te maˇ gʼa ve htawˇ, yawˇ ngaˬ hui htaꞈ maˇ chiˇ baˬ.—Heˍ 6:10.

Yaˬhoˉvaˬ ngaˬ htaꞈ maˇ leunˇ VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Yaˬhoˉvaˬ ve kanˉ te ve hkʼaw awˬ viˉ awˬ nyi Hiˆcha˗ma aˬ htoꞈ ma te jaw ve le?

• Awˬ viˉ awˬ nyi Hiˆcha˗ma ve awˬ miˇ ma suh˗e leh yawˇ mawˇ la ve pa taw Gʼuiˬ sha ve kanˉ hkʼa dehꞈ te maˇ gʼa ve htawˇ, Yaˬhoˉvaˬ yawˇ htaꞈ maˇ leunˇ ve tehꞈ hkʼaˬ hkʼe te hpeuꞈ maw piˇ ve le?

• Awˬ viˉ awˬ nyi Hiˆcha˗ma Gʼuiˬ sha ve kanˉ awˬ yanˇ hkʼa biˇ te ve pa taw, yawˇ paw sha ve tehꞈ hkʼaˬ hkʼe kʼoˆ gʼa ve le?—Tawˇ 10:22