Hkriꞈ yaˇ ve a shaꞈ teꞈ hkʼaˇ
Ngaˬ hui tuꞈ ve hkanˍ ve htaꞈ yeunˇ hkanˍ gʼaˇ tuˬ Yaˬhoˉvaˬ ga laˇ ve
Awˬ leh meuˇ ve awˬ yanˇ hkʼaw ngaˬ hui shoꞈ shaꞈ ve laiˉ ceuˬ gʼa hpuˇ ve yoˬ. Teˇ pawˆ pawˆ kʼo shoꞈ shaꞈ ve gʼa hpuˇ htaˇ, ngaˬ hui yeunˇ hkanˍ maˇ gʼaˇ˗o tehꞈ dawˇ ve yoˬ. Yaꞈ hkʼaˇ, ngaˬ hui Yaˬhoˉvaˬ geh meuˆ daꞈ chehˇ ve kʼo, haˍ jaˇ ve awˬ ceuˬ htaꞈ gʼa hpuˇ ve htawˇ, yeunˇ hkanˍ gʼaˇ tuˬ yawˇ ga laˇ tuˬ yoˬ. (Isy 43:2, 4) Shoꞈ shaꞈ ve gʼa hpuˇ htaˇ Yaˬhoˉvaˬ geh meuˆ daꞈ gʼa tuˬ hkʼaˬ hkʼe gʼa te ve le?
Bon lawˬ ve. Ngaˬ hui Yaˬhoˉvaˬ geh nyi ma hpaw leh bon lawˬ ve kʼo, ngaˬ hui dawˇ sha gaˇ sha ve nyi ma cawˬ tuˬ leh nyi ma awˬ gʼaˇ gʼa tuˬ yawˇ peꞈ laˉ tuˬ yoˬ.—Hpi 4:6, 7; 1 Hteˇ 5:17.
Hpawnˬ daꞈ ve. Oˇ htaˇ aꞈ kehˉ ngaˬ hui co ha hpawˇ ve caˇ tuˬ leh awˬ viˉ awˬ nyi geh meuˆ daꞈ tuˬ loˍ ve, chi teˇ hpaˍ hpawnˬ daꞈ kuiˬ awˬ hkʼaw lo Yaˬhoˉvaˬ ngaˬ hui htaꞈ gu teh laˇ ve yoˬ. (Heˍ 10:24, 25) Ngaˬ hui Hkriꞈ yaˇ awˬ moˍ hkʼaw hpawnˬ daꞈ˗e tuˬ leh awˬ vuiˬ htaꞈ hkʼa dehꞈ gu teh taˍ ve kʼo, Yaˬhoˉvaˬ geh daꞈ kehˬ ve awˬ ha hpu hkʼa biˇ gʼa tuˬ yoˬ.—Hpeuꞈ 2:29.
Gʼuiˬ sha kanˉ te ve. Gʼuiˬ sha kanˉ htaꞈ ngaˬ hui coˇ caˇ leh te chehˇ ve kʼo, daꞈ ve hpawˇ hkʼa sha sha˗ehˬ dawˇ tuˬ te laˇ ve yoˬ. Chi hkʼoˆ kaꞈ, ngaˬ hui Yaˬhoˉvaˬ leh awˬ viˉ awˬ nyi geh meuˆ daꞈ maˇ la tuˬ yoˬ.—1 Kawˇ 3:5-10.
Yaˬhoˉvaˬ nawˬ htaꞈ haꞈ yuˬ laˇ tuˬ VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
Ma˗lu shoꞈ shaꞈ ve gʼa hpuˇ htaˇ Yaˬhoˉvaˬ geh meuˆ daꞈ tuˬ aˬ htoꞈ ma ga piˇ ve le?
Ma˗lu hkʼa shuˍ ngaˬ hui shoꞈ shaꞈ ve gʼa hpuˇ htaˇ, Chiˇ mvuh ve liꞈ 34:18 htaꞈ ngaˬ hui awˬ gʼaˇ hkʼaˬ hkʼe gʼa tuˬ le?
Ngaˬ hui shoꞈ shaꞈ ve gʼa hpuˇ htaˇ Yaˬhoˉvaˬ ngaˬ hui htaꞈ “uiˍ jaˇ daꞈ jaˇ ve kanˉ paˆ” peꞈ laˇ tuˬ yoˬ tehꞈ, Ma˗lu ve awˬ lawn hkʼaˬ hkʼe hpeuꞈ maw laˇ ve le?—2 Kawˇ 4:7