Liꞈ hpu henˇ ve VDO yehˇ tuˬ ve awˬ hkʼaˇ

Liꞈ hpu henˇ ve kʼoˆ maˍ laˇ tuˬ ve VDO hto toˇ kuiˬ hkʼaw yehˇ gʼa tuˬ awˇ maˬ cawˬ ve yoˬ. VDO teˇ maˬ leh teˇ maˬ hkʼaˬ hkʼe yehˇ cawˇ ve le?

• 

  Aˬ htoꞈ ma awˬ pon Liꞈ hpu henˇ ve le?—Zuhˬ ve VDO chi teˇ maˬ ngaˬ hui geh tawˇ yaw daꞈ chehˇ ve chaw, yawˇ hui aˬ htoꞈ ma ve bon liˇ yonˍ ve maˇ kʼoˆ, Liꞈ hpu henˇ gaˇ tuˬ te piˇ ve yoˬ. Leh a yeˇ uiˍ ve na hkawˇ teˇ hpaˍ hkʼawꞈ laˇ hkawˇ gʼa tuˬ Liꞈ hpu hkʼaw ca nyi˗oˆ tehꞈ awˬ gʼaˇ peꞈ laˇ ve yoˬ. VDO chi hkʼaw na gʼa sha ve tehˆ maˍ ve awˬ lawn cawˬ leh Liꞈ hpu henˇ tuˬ lawˬ ve awˬ hkʼaˇ kaꞈ kʼoˆ maˍ laˇ ve yoˬ.

• 

  Aˬ htoꞈ ma awˬ pon Liꞈ hpu henˇ ve le? (chi suhˉ˗ehˍ ve) VDO chi teˇ maˬ zuhˬ ve teˇ maˬ htaꞈ shuˍ ve yoˬ. Yaꞈ hkʼaˇ, chi teˇ maˬ lehˬ a ciˉ ngeh ve yoˬ. VDO chi teˇ maˬ awˬ yanˇ maˇ gʼa maˇ ve hto toˇ kuiˬ hkʼaw keunˍ daꞈ ve yoˬ.

• 

  Ngaˬ hui Liꞈ hpu hkʼaˬ hkʼe te henˇ ve le? VDO chi teˇ maˬ ngaˬ hui geh tawˇ yaw daꞈ chehˇ ve chaw Liꞈ hpu henˇ ve awˬ hpfuhˇ maˇ peuˬ ve tehꞈ gʼa shiˍ leh henˇ gaˇ tuˬ te piˇ ve yoˬ. VDO chi teˇ maˬ Liꞈ hpu henˇ ve htaꞈ caˉ daꞈ ve na hkawˇ teˇ hpaˍ hkʼawꞈ laˇ ve yoˬ. Leh Liꞈ hpu henˇ tuˬ lawˬ ve awˬ hkʼaˇ kaꞈ kʼoˆ maˍ laˇ ve yoˬ.

• 

  Liꞈ hpu henˇ ve haꞈ yuˬ laˇ ve VDO chi teˇ maˬ ngaˬ hui geh Liꞈ hpu henˇ chehˇ ve chaw caˉ leh Liꞈ hpu henˇ gaˇ ve kʼo, VDO chi hpaw maˬ piˇ tuˬ yoˬ. VDO chi teˇ maˍ Nawˬ ve a shaꞈ co co taiˍ taiˍ ha lehˬ gʼa ve! liꞈ kʼoˆ liꞈ mehˆ hpfuhˇ nyiˇ maˬ teˇ maˬ hkʼaw cawˬ ve htawˇ, nawˬ liꞈ kʼoˆ ehˉ Nawˬ ve a shaꞈ co co taiˍ taiˍ ha lehˬ gʼa ve! maˍ chehˇ htaˇ VDO chi hpaw maˍ gʼa ve yoˬ. VDO chi Iiꞈ chi htaꞈ caˉ daꞈ ve kʼoˆ maˍ laˇ leh Liꞈ hpu henˇ ve chaw Liꞈ hpu henˇ htaˇ, aˬ htoꞈ ma awˬ bon gʼa ve kaꞈ kʼoˆ maˍ laˇ ve yoˬ.

VDO chi teˇ hpaˍ yehˇ tuˬ ve awˬ hkʼaˇ maˇ shuˍ daꞈ ve htawˇ, keunˍ ve tehꞈ mawˬ ve kʼo, nawˬ VDO chi shu htaꞈ hkʼaˬ htaˆ kaꞈ feu piˇ hpehꞈ ve yoˬ. Hto toˇ ve chaw VDO chi teˇ hpaˍ yehˇ tuˬ ve awˬ hkʼaˇ htaꞈ hkʼa dehꞈ shiˍ cawˇ leh awˬ bon cawˬ ve hkʼaw yehˇ cawˇ ve yoˬ.