Hkriꞈ yaˇ ve a shaꞈ teꞈ hkʼaˇ
Nawˬ awˬ to htaꞈ Yaˬhoˉvaˬ nyi ve hkʼe nyi sheˍ
‘Yaˬhoˉvaˬ lehˬ yawˇ ve chaw teˇ hpaˍ htaꞈ nyi ma cawˇ ve yoˬ.’ (Chiˇ 149:4) Ngaˬ hui maˇ biˇ ve chaw hpehꞈ ve htawˇ, Yaˬhoˉvaˬ lehˬ ngaˬ hui awˬ to daꞈ ve awˬ ceuˬ htaꞈ nyi leh awˬ gʼuˇ suhˍ hpawˇ daꞈ ve awˬ ceuˬ te gʼa ve htaꞈ nyi mawˬ ve yoˬ. Yaꞈ hkʼaˇ, teˇ pawˆ pawˆ kʼo a shu yawˇ awˬ to htaꞈ keunˍ lawꞈ cawˇ lawꞈ ve hkʼaw nyi gʼa tuˬ haˍ ve yoˬ. Awˬ nu ve chaw teˇ gʼaˇ ngaˬ hui htaꞈ te laˇ ve awˬ ceuˬ htaꞈ pa taw, ngaˬ hui awˬ hpfuhˇ maˇ cawˬ tehꞈ dawˇ la ve yoˬ. Maˇ heˆ leh ngaˬ hui te yaꞈ jaw ve awˬ ceuˬ htaꞈ ceh tiˉ nyi ve kʼo, Yaˬhoˉvaˬ ngaˬ hui htaꞈ awˬ tehˬ haꞈ ve laˇ tehꞈ htawˇ dawˇ nawˬ dawˇ cawˬ la ve yoˬ. Ngaˬ hui chi hkʼe dawˇ ve kʼo aˬ htoꞈ ma ga laˇ gʼa tuˬ le?
Chaw yaˇ maˇ mawˬ gʼa ve awˬ ceuˬ htaꞈ Yaˬhoˉvaˬ mawˬ chehˇ ve tehꞈ tawnˇ taˍ sheˍ. (1 Saˍ 16:7) Chi kʼoˆ gaˇ ve lehˬ ngaˬ hui a shu yawˇ awˬ to htaꞈ mawˬ gʼa ve aꞈ kehˉ Yaˬhoˉvaˬ mawˬ gʼa ve yoˬ. Gʼuiˬ sha ngaˬ hui htaꞈ hkʼaˬ hkʼe nyi mawˬ ve shiˍ hpehꞈ tuˬ Liꞈ hpu ga laˇ gʼa ve yoˬ. Ngaˬ hui Liꞈ hpu awˬ tawn gʼaw ve, leh Yaˬhoˉvaˬ lehˬ yawˇ htaꞈ oˉ kʼoˍ pui ve chaw htaꞈ hkʼaˬ ma haꞈ ve awˬ lawn gʼaw htaˇ ngaˬ hui shiˍ la ve yoˬ.
Yaˬhoˉvaˬ mehˆ gʼuˇ suhˍ lo nawˬ ve nyi ma htaꞈ hpeuꞈ maw piˇ sheˍ VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
Gʼuiˇ enˍ daꞈ paˍ leh yawˇ ve awˬ pa ve awˬ lawn hkʼa shuˍ Yaˬhoˉvaˬ ngaˬ hui htaꞈ nyi ve awˍ lawn hkʼaˬ hkʼe maˍ laˇ ve le?
Chaw teˇ gʼaˇ uiˍ jaˇ ve venˇ baˆ te leh Yaˬhoˉvaˬ geh kʼawꞈ meuˆ daꞈ tuˬ coˇ caˇ peuˬ kʼo, Yaˬhoˉvaˬ yawˇ htaꞈ awˬ tehˬ haꞈ ve tehꞈ yawˇ hkʼaˬ hkʼe te yonˍ gʼa ve le?—1 Yoˇ 3:19, 20
Daˍviˆ leh Yawˇshaˍhpaˆ ve awˬ lawn gʼa gʼaw leh dawˇ nyi peuˬ ve teˇ yanˇ htaˇ, awˬ viˉ awˬ nyi hawˉ hkʼaˆ chi teˇ gʼaˇ awˬ bon hkʼaˬ hkʼe gʼa ve le?