Liꞈ hpu awˬ hkawˇ hpaˇ keu taˍ ve htaꞈ nawˬ yehˇ chehˇ˗aw laˇ?

Liꞈ hpu awˬ hkawˇ hpaˇ keu taˍ ve lehˬ aˬ htoꞈ ma le? Miˬ guiˬ awˬ suhˉ yuˬ tawˆ taˍ ve Liꞈ hpu htaꞈ awˬ hkawˇ hpaˇ keu taˍ ve hpehꞈ ve yoˬ. Laiˉ chaw ceuˬ ve tawˇ hkawˇ na hpehꞈ ve yoˬ. Liꞈ hpu hkʼaw ve chaw teˇ gʼaˇ tawˇ yaw ve kʼo, teˇ gʼaˇ awˬ hkawˇ hpaˇ keu taˍ ve yoˬ. Gʼaw paˍ cawˇ ve hkʼaw gʼaw leh Liꞈ hpu hkʼaw ve chaw oˇ ve teˇ yanˇ hkʼaˬ hkʼe dawˇ ve hkʼe gʼaw tawˆ ve yoˬ.

Liꞈ hpu awˬ hkawˇ hpaˇ keu taˍ ve lehˬ awˬ bon hkʼaˬ hkʼe cawˬ ve le? Liꞈ hpu awˬ hkawˇ hpaˇ keu taˍ ve hkʼaˬ htaˆ kaꞈ na ve chaw lehˬ, Liꞈ hpu hkʼaw chehˇ taˍ ve hkʼe hpehꞈ ve tehꞈ, dawˇ ve yoˬ. Chaw laiˉ gʼaˇ yehˇ leh awˬ hkawˇ hpaˇ keu taˍ ve pa taw, Liꞈ hpu hkʼaw ve awˬ lawn hkʼa dehꞈ na gʼa leh dawˇ mawˬ gʼa ve yoˬ. (Tawˇ 4:5) Ngaˬ hui nyi ma shoꞈ shaꞈ ve cawˬ la ve teˇ yanˇ htaˇ, Liꞈ hpu awˬ hkawˇ hpaˇ keu taˍ ve htaꞈ na ve kʼo, nyi ma gʼawˬ lehˬ cawˬ la gʼa ve yoˬ.—Chiˇ 94:19.

Liꞈ hpu awˬ hkawˇ hpaˇ keu taˍ ve htaꞈ ngaˬ hui na ve lehˬ, awˬ bon cawˬ jaˇ leh gʼaꞈ te gaˇ tuˬ ga laˇ ve yoˬ. (2 Raˍ 34:19-21) Nawˬ na gʼa ve chaw ceuˬ tawˇ hkawˇ hkʼaw, Liꞈ hpu awˬ hkawˇ hpaˇ keu taˍ ve teˇ hpaˍ hpaˍ htaꞈ maˇ kʼoˆ, hkʼa peuˬ htaꞈ maˇ kʼoˆ cawˬ ve kʼo nawˬ hkʼaˬ htaˆ kaꞈ na tuˬ te gʼa˗aw laˇ?

Liꞈ hpu awˬ hkawˇ hpaˇ keu taˍ ve te tawˆ ve awˬ hkʼaˇ—Chi suhˉ˗ehꞈ ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

Liꞈ hpu awˬ hkawˇ hpaˇ keu taˍ ve te tawˆ ve awˬ hkʼaˇ htaꞈ caˉ daꞈ ve hkʼaˬ ve teˇ ceuˬ nawˬ dawˇ cawˇ ve le?