HKRIꞈ YAˇ VE A SHAꞈ TEꞈ HKʼAˇ
Hpehꞈ bawˬ dawˇ haˍ ve chaw htaꞈ Yaˬhoˉvaˬ ga piˇ ve
Ngaˬ hui teˇ gʼaˇ le le htawˇ teˇ pawˆ pawˆ kʼo hpehꞈ bawˬ dawˇ haˍ ve yoˬ. Ngaˬ hui hpehꞈ bawˬ dawˇ haˍ ve lehˬ yonˍ hkʼaˇ awˬ gʼaˇ nuˇ ve maˇ heˆ. Yaˬhoˉvaˬ htawˇ teˇ pawˆ teˇ yanˇ kʼo, yawˇ kaꞈ dawˇ haˍ ve tehꞈ kʼoˆ ve yoˬ. (Awˬ 6:5, 6) Yaꞈ hkʼaˇ, ngaˬ hui teˇ hkui teˇ hkui hpehꞈ bawˬ dawˇ haˍ leh maˇ na˗e ve kʼo, hkʼaˬ hkʼe te tuˬ le?
Yaˬhoˉvaˬ geh ga laˇ tuˬ lawˬ sheˍ. Yaˬhoˉvaˬ lehˬ ngaˬ hui nyi ma hkʼaw hkʼaˬ hkʼe dawˇ ve yawˇ shiˍ leh a yeˇ te chehˇ ve yoˬ. Ngaˬ hui ha lehˬ ve maˇ heˆ leh dawˇ haˍ chehˇ ve htaꞈ yawˇ shiˍ ve yoˬ. Leh aˬ htoꞈ ma pa taw ngaˬ hui oˇ hkʼe dawˇ ve kaꞈ yawˇ shiˍ ve yoˬ. (Chiˇ 7:9b) A yeˇ uiˍ jaˇ ve teˇ ceuˬ lehˬ, Yaˬhoˉvaˬ ngaˬ hui htaꞈ a yeˇ te laˇ chehˇ leh ngaˬ hui hpehꞈ bawˬ dawˇ haˍ ve maˇ heˆ leh hpehꞈ bawˬ dawˇ haˍ ve a naˬ htaꞈ haꞈ yuˬ gʼa tuˬ yawˇ ga laˇ tuˬ yoˬ.—Chiˇ 34:18.
Nyi ma dawˇ sha tuˬ haꞈ shaˉ sheˍ. Maˇ daꞈ ve hpawˇ dawˇ ve lehˬ ngaˬ hui ha lehˬ ve htaꞈ heuˆ la kuiˬ cawˬ leh Yaˬhoˉvaˬ geh meuˆ daꞈ ve htaꞈ kaꞈ heuˆ la kuiˬ cawˬ ve yoˬ. Chi htaꞈ pa taw, ngaˬ hui ve nyi ma leh dawˇ hkʼaˇ htaꞈ haꞈ shaˉ tuˬ coˇ caˇ leh te gaˇ ve yoˬ.—Tawˇ 4:23.
Hpehꞈ bawˬ dawˇ haˍ ve a naˬ hpehꞈ ve htawˇ awˬ viˉ awˬ nyi dawˇ sha gawˬ lehˬ ve cawˬ ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
Hpehꞈ bawˬ dawˇ haˍ ve a naˬ htaꞈ Niˆkiˇ haꞈ yuˬ gʼa tuˬ aˬ htoꞈ ma te ve le?
Aˬ htoꞈ ma pa taw Niˆkiˇ yawˇ saˍ laꞈ gʼonˍ geh kʼai cawˇ ve tehꞈ dawˇ ve le?—Maꞈ 9:12
Niˆkiˇ Yaˬhoˉvaˬ htaꞈ gʼaˇ va leh ga laˇ tuˬ loˍ ve tehꞈ yawˇ hkʼaˬ hkʼe hpeuꞈ maw piˇ ve le?