Awˬ gʼuˇ suhˍ teˇ hkʼawꞈ Gʼuiˬ sha ve kanˉ te tuˬ awˬ pon nawˬ aˬ htoꞈ ma dawˇ teh taˍ ve le?

Dawˇ teh taˍ ve tcuhˉ kuiˬ lehˬ, Yaˬhoˉvaˬ ve kanˉ te tuˬ te gʼa ve hkʼe teˇ ceuˬ le le te leh yawˇ ha lehˬ tuˬ te piˇ ve yoˬ. Dawˇ teh taˍ ve chi ngaˬ hui co ha hpawˇ uiˍ la mvuh la tuˬ ga laˇ ve yoˬ. Leh ngaˬ hui ve awˬ yanˇ leh awˬ gʼaˇ awˬ bon cawˬ ve hkʼaw yehˇ ve yoˬ. (1 Tiˆ 4:15) Aˬ htoꞈ ma pa taw ngaˬ hui ve dawˇ teh taˍ ve htaꞈ teˇ hkui teˇ hkui dawˇ nyi cawˇ ve le? Awˬ lawn kʼo ngaˬ hui ve a shaꞈ teꞈ hkʼaˇ hkʼaw laiˉ ceuˬ pa kʼai puiˉ leh ngaˬ hui dawˇ teh taˍ ve hkʼe te maˇ gʼa˗o. Maˇ heˆ leh ngaˬ hui te gʼa˗oˬ kʼo, awˬ suhˉ teˇ maˬ kʼawꞈ gʼa dawˇ teh taˍ ve yoˬ.

Awˬ suhˉ teˇ hkʼawꞈ maˇ gʼaˬ sheˍ hta,ˇ dawˇ teh taˍ ve htaꞈ dawˇ nyi cawˇ ve awˬ yanˇ hpehꞈ ve yoˬ. Yehˬ kʼa oˉ kʼoˍ pui ve hkʼaw nawˬ dawˇ teh taˍ ve, leh yehˬ kʼa hkʼaw dawˇ teh taˍ ve teˇ geh yaw daꞈ cawˇ ve yoˬ.

Nawˬ aˬ htoꞈ ma te gaˇ ve le? Leh dawˇ teh taˍ ve hkʼe te gʼa tuˬ hkʼaˬ hkʼe gʼa te ve le?