Yaˬhoˉvaˬ ve hkʼaw pui lo laˬ˗oꞈ

1. Oˇ kaˬ lo chiˇ nyi sheˍ,

Yeˬ leh daꞈ jaˇ ve hkʼaw pui.

Chi lehˬ Yaˬhoˉvaˬ ve hkʼaw pui,

Mvuh jaˇ ve teˇ shiˍ.

Chi beuꞈ chaw yaˇ laˬ leh

Yawˇ hui yaw daꞈ chehˇ ve lehˬ,

‘Gʼuiˬ sha ve kanˉ te leh

Yawˇ ve hkawˇ htaꞈ na yuˬ loˬ.’

Chi teˇ hkui awˬ yanˇ gaˬ˗oˬ,

I ve chaw uiˍ ve chaw ceuˬ hpehꞈ la.

Uiˍ la mvuh la teˇ yanˇ,

Gʼuiˬ sha bon naꞈ laˇ ve htaꞈ mawˬ ve.

Laiˉ lanˬ gʼaˇ yawˇ geh laˬ,

Yawˇ uˉ peunˍ ve htaꞈ haꞈ yuˬ.

Yawˇ hui Gʼuiˬ sha hpawˇ chehˇ tuˬ,

Ka tiꞈ te piˇ ve yoˬ.

2. Yeˍsuˆ yawˇ kʼoˆ laˇ ve,

Gʼuiˬ sha ve mvuhˇ miˬ awˬ lawn

Ngaˬ hui teˇ gʼaˇ le le htaꞈ

Gʼa hto piˇ cawˇ ve yoˬ.

Yeˍsuˆ uˉ peunˍ chehˇ leh

Yawˇ hpawˇ chehˇ tuˬ kʼoˆ laˇ ve.

Nuˇ nehˬ ve chaw hui lehˬ

Gʼuiˬ sha hkawˇ na yuˬ ve yoˬ.

Ngaˬ hui ha lehˬ jaˇ ve,

Chaw moˍ lonˉ maˇ la ve mawˬ chehˇ ve.

Ngaˬ hui awˬ vuiˬ gʼa ve,

Teˇ gʼaˇ le shiˍ tcuh tuˬ, coˇ caˇ ve.

Teˇ gʼaˇ le le kaˇ tuˬ,

Awˬ hkawˇ bvuhˬ chaweh kʼoˆ a veuˬ,

‘Gʼuiˬ sha ve hkʼaw pui lo laˬ

Leh co co chehˇ sheˍ mehˍ.’