Venˇ baˆ hpehˇ piˇ sheˍ

1. Haꞈ pehnˇ ve Yaˬhoˉvaˬ

Yawˇ yaˇ paˍ peꞈ laˇ ve yoˬ.

Ngaˬ hui ve venˇ baˆ hpehˇ laˇ tuˬ,

Suh ve kaꞈ mehˉ kʼai tuˬ yoˬ.

Ngaˬ hui awˬ tehˬ tehˬ dawˇ hpfuhˆ kʼo,

Gʼuiˬ sha venˇ baˆ hpehˇ laˇ gaˇ.

Hkriꞈ htaiˍ hkʼawꞈ ve awˬ hpfuhˇ pa taw,

Yawˇ awˬ meh hkʼaw lawˬ hkawˉ ve.

2. Gʼuiˬ sha hkʼa shuˍ te kʼo,

Ha kʼaˉ puiˉ ve gʼa tuˬ yoˬ.

Teˇ gʼaˇ leh teˇ gʼaˇ ha kʼaˉ daꞈ,

Venˇ baˆ gʼa hpehˇ daꞈ cawˇ ve.

Te yaꞈ laˇ ve htaꞈ taˇ tawnˇ taˍ,

Ngaˬ hui yeunˇ hkanˍ daꞈ cawˇ ve.

Awˬ viˉ awˬ nyi htaꞈ yawˆ yan kʼo,

Haꞈ pehnˇ uiˍ jaˇ hpeuꞈ maw gʼa.

3. Ha kʼaˉ puiˉ ve chi lehˬ

Daꞈ ve awˬ liˇ hpehꞈ ve yoˬ.

Nyi ma naˬ ve htaꞈ baˬ taˉ sheˍ.

Nyi bawˬ ve nyi ma taˇ cawˬ.

Yaˬhoˉvaˬ Gʼuiˬ sha haꞈ pehnˇ ve,

Ngaˬ hui lehˬ gʼaꞈ te cawˇ ve.

Nyi ma hkʼaw venˇ baˆ hpehˇ piˇ kʼo,

Gʼuiˬ sha hkʼa shuˍ te gʼa ve.