Milanyu yaphama chini?

1. Milanyu yaphama yokhumela wa Nlungu njiivi?

Milanyu yaphama njiila: Nlungu unofuna ira iyo nikhale a imwerumweru. Liye unodha mali-a nyarwa dothene titho unodhava-a atu othene ingumi yaphama. Nlungu upanducha ilambo yavathi na vyothene vili mwemo mwasa onidhiveliwana.—Muleri Jeremiya 29:11.

Va ilambo yothene ninoona uwalanga, marenda, na ukwa. Fiedha malambo ano, khavali utongi uodile mali-a vyongo ninga vyevi. Mbwenye milanyu yaphama inango njoi, Nlungu unodha e-la utongi wae va limburo la mautongi aatu, vyevi khavinodha dimbela ira viireye. Nlungu adhairana vyevi, atu khatinodha wova titho khatinodha bulela.—Muleri Esaya 25:8; 33:24; Danieli 2:44.

2. Mwasiwa ngwani ninofuneela uvwa milanyu yaphama?

Mwasiwa ngoi ninoona nyarwa vinjinji. Nyarwa dedhi dhinodha mala Nlungu adhanonga atu othakhala. (Zefwaniya 2:3) N’nga ti elini munofuna liye dhairana vyevi? Chineneeva. Ninooda roromela mwasa wa vyongo vinaireya pheeno. Bibilya lo-oonga ira vangaireile vyongo vinjinji vyothakhala va-alanga hora yoyeva ira Nlungu anonge atu othakhala.—Muleri 2 Timoteo 3:1-5.

3. N’nga ninofuneela ira n’ni?

Ninofuneela funjedha Bibilya. Nlungu unonidhiveliwana titho utoniva-a Bibilya ira anifunji-e. Bibilyani, Nlungu unoniwandela mwemo munakhaena iyo ingumi yaphama chineneeva, titho yofuneya ira nikhalewo dhowa no dhowa. Chiimbarimbari ira atu othene anofuna ira tadhakhalewo dhowa no dhowa. Moi eno, dhowananive funjedha Bibilya angalive ira atu enango tanoonga ira mu-iye.—Muleri Sanganikho 29:25; Apokalipse 14:6, 7.