Yoswa naatu awu Gibeoni

Atu enango awu Kanani tatoovwa vyaireile wu Yeriko. Ee-no mamwene enango tatoovwelana ira tamakhome khondo na Aisraeli. Mbwenye atu awu Gibeoni tathuulele mudhila inango. Tatoodhowa wa Yoswa tangawarile nguwo dhong’ambeya noonga ira: ‘Nikumele undendai maningi. Nitovwa vya Yohova thitho vyauireleni liye wu Iguputu nau Mowabu. Lanyedhani ira khamunodha koma khondo na-iyo thitho i-yo ninodha kala adhaarinyu.’

Yoswa atoororomela vyaongile aliwa thitho atoalanyedha ira katinodha khoma khondo naaliwa. Vangavirile malambo mararu, tatoozindiyela ira atwao katali aundendai ali ailambo imbo-ive yeniyo ya Kanani. Ee-no Yoswa atoafuka atwao ira: ‘N’nga mwasiwa ngwan’ni mwatooninami-a?’ Aliwa tatoowakula ira: ‘Naira ova nitoidhiwa ira Yohova Nlungwinyu ngunoukhomelani khondo. Pepani khamuniphe.’ Yoswa atoolokota yolanyedhayee thitho kataaphide.

Vangavirile hora indendai, mamwene 5 awu Kanani tatooira masaka-edho ira tamakhome khondo na Agibeoni. Moi ee-no Yoswa naanyakhondwee, tatoodhowa thitho tatoowenda ma-iyu othene dhowa maakami-a Agibeoni. Khondo yaromile namaebe-i thitho Akanani tatooroma tawa nobalaleela ikhundu yothene yailambwiyo. Mbwenye uliwethene watawela aliwa, Yohova anoagwi-edhela mararaza malukulu. Ee-no Yoswa atom’vepha Yohova ira aimeche dhuwa. Mbwenye Yoswa ali a-anaonevo dhuwa aliwa imela. N’nga mwasiwa ngwan’ni Yoswa atokaana mathuulelo enao? Namwasa oi anom’nyindela maningi Yohova. Liye atoowakula yovephayee thitho dhuwa kalavirile wa dambo lipumbula fiyedhela Aisraeli gonji-a mamwene othene na anyakhondwiwa.