Dhandha latoolemba vachi-ini

Vira wahora, Belisazara atookala mwene wa Babulo. Dambo n’nango na maulo atoosaka-edha pwando thitho atooitana anama-arelee okwakwana 1.000. Ee-no atoawandela anamalabee ira tamatukule makopo aoro atukunle Nebukadinezara kachisini mwa Yohova. Liye naanama-areleao tatooroma mwela vinyu makoponimo, notitimi-anga milungwiwa. Mbwenye mo-odedi-edhela tatoona dhandha lilembanga madhu odabwi-a vachi-ini kwartuni weo wairela aliwa pwando.

Belisazara atoova maningi. Atooitana alombwana amasenga noawandela ira: ‘Uliwethene unofuna ndiwandela vyothapulela vya madhwala, ndinom’ela kala namatonga muumwene wa Babulo.’ Mbwenye kavali aodile m’mwandela yothapulela ya madhu enala. Ee-no i-yanee atoodha nom’mwandela ira: ‘Vatokala mutu mwinango dhinalee Danieli wenuo am’mwandelecha Nebukadinezara vyothapulela vavyongo vyo-iyana i-yana. Liye unooda uwandela yothapulela ya madhwala.’

Danieli angafiile, Belisazara atom’mwandela ira: ‘Akala unooda leri madhwala nondiwandela yothapulela ya madhwala, ndinouva-a usanga waoro, thitho ndinou-ela ira ukale namatonga waneraru muumwenula.’ Mbwenye Danieli atoowakula ira: ‘Kandinofuna vyotuva vinyuvyo. Mbwenye ndinoulerelani madhwala thitho ndinouwandela vyothapulelavyee. Babinyu Nebukadinezara, ali odhigweli-a thitho Yohova atoom’yevi-a. Nyo mutoviidhiwa vyam’mwireele, mbwenye munonyoza Yohova thitho munomwela vinyu makoponimwee aoro akachisini mwee. Ee-no Yohova utolemba madhu enala: Mene, Mene, Tekeli na Parasini. Madhwala anothapulela ira Amediya na Perisiya anodha gonji-a Babulo thitho nyo kamunodha kala mwene.’

Vahora yeniyo vyaoneya ninga kavali unaode gonji-a sidadi la Babulo. Sidadili laoneya ira lali lobareleya na panda olapa thitho i-nje nlukulu. Ma-iyu enaowene, Amediya na Perisiya tatoodhimbinuela sidadilo. Mwene wa Perisiya dhinalee Koresi, atoovandhucha ma-inje a-injuo thitho anyakhondwee tatoovandela nofiya valango wa sidadi. Tangafiile, tafwaidhe lango odhulene. Ee-no tatoovolowa noawaka sidadilo thitho m’pha mwene. Ee-no Koresi atooroma tonga wu Babulo.

Yawa ya-anamale, Koresi atoonga ira: ‘Yohova utondiwandela ira ndimange kachisee wu Yerusalemu. Atu anofuna makami-a basali, anooda dhowa.’ Ee-no movwelana na vyalanyedhile Yohova, Ayuda anjinji tatoowelela waniwa. Vali vangavirile vyawa 70 khumela vevo Yerusalemu vyanongiwile liye. Koresi atooweleli-edha makopo aoro thitho vyongo vinango vyathukunle Nebukadinezara kachisini mwa Yohova. Yohova atom’indi-edha basa Koresi vokami-a atwee.