Madhu okami-a alimbo fiya vagumanoni

ANAMALABA ODHIVELELA Akala munofuna kami-a basa n’nango vagumanula, mudhowe wu Departamento yokami-a atu thitho yoing’anela anamalaba odhivelela.

DEPARTAMENTO YOKAMI-A VA VYOIREYA VYO-ODEDI-EDHA Idhiwani ira departamento yen’na inokami-a va vyoireya vyo-odedi-edha baa-i.

MAMBURO OKAATHI Muthuulelenga atu enango. Thuulelani ira atu anofwanela nyo alokotedha limburo mba banja linyu, atu awendilena nyo karoni mwinyu, venango mutu unom’funji-a nyo Bibilya. Kamu-elenga vyongo valimburo lokaathi nli vakwikwi na nyo, i-yavo akala munolokotedha mutu unango.

OWACHELA ALENDO Ale anowachela alendo basa liwa kuukami-ani. Ee-no, a-relani malangi-o anauva-eni aliwa va mwasa oimecha karo na njinga, ndhila dhofwanela wendamo vovolowa na vokuma valimburo la gumano, lokota mamburo okaathi na vyongo vinango.

UBADIZO Atu ale takozeele badiziwa, tanofwanela dhakaathi vamipando yasogolo yeniyo yasaka-edheliwe aliwa, mwasa wa ubadizo wa-anarome Sabudu namaebe-i. Akala vatokala malangi-o enango o-iyana na enala tanodha wandeliwa. Uliwethene unofwanela dhana tuwalya na nguo dhofwanela bwinana mwiko.

VYODIMELA NA VYODODIWA Mwadoda yongo iliyothene, mumaivelele wu Departamento yolokota vyongo vyodimela. Thitho akala mutomori-a yongo iliyothene, mudhowe mumafuke departamento yen’na. Mwafwanya mwana u-olowile, mudhowe mumam’velele wu departamento yen’na. Mbwenye departamentwila kai yolokota a-ima, moi ee-no mwaasamalelenga pama a-iminyu thitho hora dhothene mukalenga vambo-i naaliwa.

VYOVELELA Fwanya limburo lokwakwanela loirelavo gumano, vyovyei-ana madhu, vyongo vyooni-edhana mavidiyo, na vyongo vinango vyokami-a ira gumanula ukale odhiveliwi-a, unofuna kobiri dhinjinji. Vyothene vyevi, pyokami-a ira nim’mwandamele Yohova. Kobiri dhinavelelenyo mofuna winyu vagumanula, dhinonikami-a pagali vyongo ninga vyevi thitho dhinokami-a vabasa la vailambo yothene. Makaxa olembiwa pama enao munaponyemonyo vyovelela vinyu, tato-eliwa vamamburo o-iyana-iyana vagumanula. Munooda thitho velela dhela va internetini vovolowa va donate.jw.org. Ninosimba maningi vyovelela vinyu vyothene thitho Gulu Lotonga linousimbani namwasa okami-a na rima wethene va basa la Umwene.