Karta lokhumela wu Gulu Lotonga

Odhiveliwiwa abali naarongo:

Namwasa oi ninom’dhiveliwana Nlungu naatu, udhivelula unonilimbi-a ira ‘nidhowe nimafunji-e atu amitundu yothene noabadiza.’ (Mat. 28:19, 20; Mrk 12:28-31) Udhivela waimbarimbari ngwakopolo. Unokuza mirima yaatu ‘amathuulelo apama ira tadhakaena ingumi yo-omala.’—May. 13:48.

Walelene, nadhiveliwana indi-edha basa vifwanafwani-o vya muurumiwini nogawela mabukhu. Mbwenye va-eeni ninofuna wenjedhela dodoliso li-u lotapanya naatu. Ninofuna nithonyi-edhe ira ninoadhiveliwana atu votapanya naaliwa myasa yoi inoairi-a kaana ifunelo. Ee-no nikalenga okozeya chinja vikozeele i-yo thitho nithuulelenga vinofuneela mutu uliwethene vaekene. N’nga broxurali linanikami-e a-vi ira vyevi viodeye?

Broxurali litokaana miru yofunjedha 12, yoonga makalelo anofwanela i-yo kaana ira nidhiveliwengana atu naifunelo yoi nifunjedhenga naaliwa. Yofunjedha iliyothene ikumenle va mwasa unango wa Bibilyani, vale Yesu venango m’mbo-i mwa arumiwee oi atoolaleela mwathindhi atoothonyi-edha kalelo n’nango muurumiwini. Ifunelwi-u kai thuulela viirile aliwa nofwanya ndhila dhothonyi-edhela ira ninodhiveliwa atu kabe. Angalive ira makalelo othene enala mbofuneya muurumiwi-u, mbwenye ninoona mwemo makalelo enango muli aliwa ofuneya maningi muurumiwini va ulendo oroma, owelela venango vanofunjedha i-yo Bibilya naatu.

Mwaonanga vili muyofunjedha iliyothene, thuulelani mopwaseya munathonyi-edhelenyo kalelo linofunjedhanyoolo mwatapanyanga naatu amu tatamolinyu. Mudhilimbi-edhe ira mudhiveliwengana maningi Yohova naatu. Kwaranya dodoliso lothene linalabi-edhe nyo basa, udhivela ngunofuna ukami-ani ira mukwakwaneli-edhe ifunelwinyu yofunjedha naatu.

Ninosimba maningi ngari ina-iyo yotumikela vambo-i na nyo movwelana. (Zef. 3:9) Yohova auraeli-eni vanodhowanave nyo adhiveliwana atu noafunji-a.