Madhu okami-a alimbo fiya vagumanoni

ANAMALABA ODHIVELELA Akala munofuna kami-a basa n’nango vagumanula, mudhowe wu Departamento yokami-a atu venango yoing’anela anamalaba odhivelela.

DEPARTAMENTO YOKAMI-A VA VYOIREYA VYO-ODEDI-EDHA Idhiwani ira departamento yen’na inokami-a va vyoireya vyo-odedi-edha baa-i.

MAMBURO OKAATHI Muthuulelenga atu enango. Thuulelani ira atu anofwanela nyo alokotedha limburo mba banja linyu, atu awendilena nyo karoni mwinyu venango mutu unom’funji-a nyo Bibilya. Kamu-elenga vyongo valimburo lokaathi nli vakwikwi na nyo, i-yavo akala munolokotedha mutu mwinango.

OWACHELA ALENDO Abali anowachela alendo basa liwa kuukami-ani. Ee-no, mu-arele malangi-o anauva-eni aliwa va mwasa oimecha karo na njinga, ndhila dhofwanela wendamo vovolowa na vokhuma valimburo la gumano, lokota mamburo okhaathi na vyongo vinango.

UBADIZO Atu ale takozeele badiziwa, tanofwanela dhakaathi vamipando yasogolo yeniyo yasaka-edhiwile aliwa, Mwasa wa Ubadizo wa-anarome va dambo la Sabudu namaebe-i. Akala vatokala malangi-o enango o-iyana na enala tanodha wandeliwa. Uliwethene unofuna badiziwa unofwanela dhana tuwalya na nguo dhofwanelela bwinana m’mwiko.

VYODHIMELA NA VYODODIWA Mwadoda yongo iliyothene, mumaivelele wu Departamento yolokota vyongo vyodimela. Thitho akala mutomori-a yongo iliyothene, mumafuke Departamento yen’na. Mwafwanya mwana u-olowile mum’dhowena mumam’velele wu Departamento yen’na. Mbwenye Departamentwila kai yolokota a-ima, moi e-no mwaasamalelenga pama a-iminyu thitho hora dhothene mukalenga vambo-i naaliwa.

VYOVELELA Fwanya limburo lokwakwanela loirelavo gumano, vyovyei-ana madhu, vyongo vyooni-edhana mavidiyo, na vyongo vinango vyokami-a ira gumanula ukale odhiveliwi-a, unofuna kobiri dhinjinji. Vyothene vyevi, pyokami-a ira nim’mwandamele Yohova. Kobiri dhinavelelenyo mofuna winyu vagumanula, dhinonikami-a pagali vyongo ninga vyevi thitho dhinokami-a vabasa la vailambo yothene. Makaxa olembiwa pama enao munaponyemonyo vyovelela vinyu, tato-eliwa vamamburo o-iyana-iyana vagumanula. Munooda thitho velela dhela va internetini vovolowa va donate.jw.org. Ninosimba maningi vyovelela vinyu vyothene thitho Gulu Lotonga linousimbani namwasa okami-a na rima wethene va basa la Umwene.