Ndhila taaru dhedho dhinanikami-e ira nim’nyindelenga Yohova

Davide atomgonji-a Goliati namwasa oi amnyindela Yohova. (1Sam 17:45) Yohova unofuna woni-edha kopolodhee waarumiwee. (2Limb 16:9) N’nga ninathonyi-edhe a-vi ira ninonyindela zelu dha Yohova malo monyindela kopolo venango zelu dhi-u? Muone ndhila taaru dho-areladhi:

• Nilobelenga hora dhothene. Kanilobelenga ira Yohova anilevelelenga nadawi-a yongo inangwee baa-i mbwenye nilobelenga ira aniva-e kopolo ira niode limbanana vyowesedha. (Mat 6:12, 13) Kanilobelenga ira Yohova araeli-e vyevyo visakunle i-yo mbwenye nivepenga thitho ira aniva-e zelu na-anasakule vyoira.—Tiy 1:5

• Nikaengana thandha oleringa thitho ofunjedhanga Bibilya. Nileringa Bibilya dambo nlilothene. (Sal 1:2) Nithuulelenga vinjinji vifwanafwani-o, thitho ni-indi-edhenga basa vyevyo vifunjedhile i-yo. (Tiy 1:23-25) Nikozeelenga nadhowanga muurumiwini malo monyindelanga dodoliso lelo lin’na i-yo. Nikozeelenga migumano unga-adhi hora naifunelo yoi nimaganyali mokwakwanela

• Niirenga vyongo movwelana na gulu la Yohova. Niidhiwenga makundo mapya enao gulu linowendela aliwa, thitho ni-arelenga mombaranya vyongo vyachinja. (Num 9:17) Nivwelenga andimuwa avapingoni taniva-anga malangi-o thitho tanisumulula.—Aeb 13:17

MUONELE VIDIYO YOI PALIBE CHIFUKWA CHOTI TIZIOPA KUZUNZIDWA, MWAMALA WAKULANI VYOFUKA VYO-ARELAVI:

• N’nga abali naarongola taovan’ni?

• N’nga chini jaakami-idhe ira tamali-e ova?