Vyofuka Vyokumela Waalimbo Leri

N’nga Amboni dha Yohova anofwanela i-ndi-edha basa saite yokami-a mutu fwanya fwee ofuna kaanee vabanjani?

Yohova unofuna ira atu othelana tasangalalenga thitho tadhivelengana vaingumiyiwa yothene. (Mat. 19:4-6) N’nga akala munofuna thela venango theliwa, n’nga munaire a-vi ira mufwanye mutu ofwanelela? Yohova wenuo uli namapadhuchi-u unoidhiwa vinaire i-yo ira nikaena iimweendi thitho banja lapama. Ee-no akala munooda a-rela makundo enao anoova-ani liye vyongo vinooda uwendelani pama. Dhoweni nione enango mwamakundo enala.

Yoroma ninofwanela vyechecha likundo loonga i-yo atu: “Rima ngonami-a vinjinji kwaranyedha yongo iliyothene thitho unooda niiri-a ira niirena yongo ili yothene yotakala.” (Jer. 17:9) Mutu afwanya fwee unofuna liye mthela unooda kopeya thitho tukuleya mombaranya fiedha imwanana ira vyongo mothuulela pama. Hora dhinjinji atu tasakula thela motukulela mwemo munovivwela aliwa rimani mwiwa, vyongo kavinaawandela pama. (Sang. 28:26) Ngumwasiwa ira kai pama atu ambinlene enao anodhivelana, anombaranya tukuleya mathuulelo vinjinji thitho lanyedhana vyongo maromelo weene waimwendiweyo fiedha tangaidhiwane pama.

Lemba la Sanganikho 22:3 linoongo ira: “Mutu wazelu unoona joopi-a liye vithala, mbwenye atu o-oidhiwa vyongo anaadhowangave fiedhela langiwa”. N’nga i-ndi-edha basa saite yokami-a mutu fwanya fwee ofuna mkaanee vabanjani koopi-a moi a-vi? Pyovwi-a tangaranga ira atu enango tafunjedhile mbadho ingali vamuru ira atu taawaredhana aliwa vaiternetini tafuna tawaredhena mathuulelwiwa baa-i. Mbwene atu onama tanovibisa naifunelo yoi tabele atu o-ozindiela. Thitho hora dhinango atu onamala tanoonga ira mbaa Mboni.

Kathuulelani ngovi inango yeniyo inagumanena liwa. Masaite enango ano-indi-edha basa maporogarama avakomputadore enao anoonga ira anokami-a mutu mfwanya fwee ofwanelela ofuna mkaanee vabanjani. Mbwenye kavali umboni ooni-a ira vyevyi pyokami-adi. N’nga munoona ira njizelu nyindela ndhila dhisakaedhiwe naatu vamwasa ofuneya vinjinji ninga fwanya mutu ofuna mkaanee vabanjani? N’nga maporogarama avakomputadoreni anooda nyindeleya ninga makundo a Bibilyani?—Sang. 1:7; 3:5-7.

Makundo ali va Sanganikho 14:15 anoonga ira: “Mutu o-oidhiwa vyongo unororomela madhu aliothene, mbwenye owenjela unothuulela mwemo munowendela liye.” Mwa-ana rome iimwendi na mutu munofwanela roma m’mwidhiwa pama. Mbwenye irana vyevyi vinokala vyorucha akala ira muonane vaiternetini. Angalive ira munoona vyongo vinango vyokuza mutuo thitho mtapanyanee vahora yolapela vaiternetini, n’nga munooda oonga ira mutom’mwidhiwadi? Atu enango tathuulela tatomfwanya mfwiwa wapama ofuna mkaanee vabanjani, tatosukwala tangaguman’ne na mutuo vametho na metho.

Olemba masalimo unoonga ira: “Kandikhaatidhe vathi vambo-i naatu onama. Thitho khandinawandhane naatu ovithali-a umutwiwa.” (Sal. 26:4) Atu enango anoona ira kai vyorucha nama venango bisa vyongo vinango vyokuza aliwa naifunelo yoi taoneyenga kala atu apama waatu enango. Anooda vibisa thitho a-onia makalelwiwa othakala vyoonga aliwa. Voi enango anoonga ira Mbaamboni dha a Yohova ndipama dhifuka ira, n’nga mutu wen’na ngobadiziwa? N’nga utokaana uxamwali wapama na Yohova ? N’nga atu amumpingini mwee tanomlemeza? N’nga ifwanafwani-o yee inooni-a ira ngumutu “otakala thitho mutu o-ofwanela mvwelananee”? (1 Akor. 15:33; 2 Timo. 2:20, 21) N’nga utokaana ufulu othela movwelana na malemba? Munofwanela idhiwa vyevyi mbwenye vinooda kala vyorucha akala kamunarome fuka a Mboni enango enao tammwidhi pama mutuo. (Sang. 15:22) Rumiwi ororomeleya wa Yohova kadha afuna navang’novene mangiwa mugoli naatu o-ororomela.—2 Akor. 6:14; 1 Akor. 7:39.

Voi i-ndi-edha basa masaite okami-a mutu fwanya fwee ofuna mkaanee vabanjani koopi-a, vatokala ndhila dhinango dhapama dhosakana thitho idhiwana na mutu ofwanelela ofuna mkaanee vabanjani vyevyo vinamkami-e mutu ira akaena banja lapama. N’nga munaire a-vi ira muode mfwanya mutu ofwanelela mkaanee vabanjani? Hora inorumeli-iwa gumaneya mumagurupuni, Amboni dha Yohova tanoidhiwana pama tagumaneya vamigumanoni ya pingo, yaisa, yagawo thitho va vyoireya vinango.

Akala pyoodeya gumaneya mumagurupo, mwaifwanafwani-o, vahora ya sau wa COVID-19, nino-indi-edha basa mafwarameto achineneeva voira migumano ya pingo, thitho vanokala ngari yoidhowana Naamboni enango ta-ali vabanjani. Munooda ona mwemo munoongela aliwa mwasiwa thitho mwemo munooni-a aliwa iroromelwiwa tawakulanga vamigumanoni. (1 Timo. 6:11, 12) Vanduli va migumano munooda waredha naaliwa mwavakundu va porogarama yeniyo ino-indi-edha nyo basa va migumanwiyo. Mwawaredhanga Naamboni enango va vyoireya vinango vo-indi-edha basa maporogarama avakomputadoreni, munooda ona mwemo munoirela aliwa vyongo naatu enango thitho vyevyo vinodha ukami-ani idhiwa moda uli aliwa. (1 Pe. 3:4) Va vira hora munooda m’mwiidhiwa pama nooda ona ira akala utokaana vifunelo vyofwanafwana thitho akala ira ngofwanelela.

Mutu a-indi-edhanga basa makundo a Bibilyani vosakasaka mutu ofuna mkaanee vabanjani unooda rumela ira sanganikwela njaimbarimbaridi: “Ufwaidhe i-yana wapama utofwanya yongo yapama,Thitho Yohova unomdhiveliwanee.”—Sang. 18:22.