Vyofuka vyokumela waalimbo leri
N’nga “i-yana” oongiwa va lemba la Esaya 60:1 mbaani? N’nga aimenle a-vi nooni-a “njezee”?
Lemba la Esaya 60:1 linoonga ira: “Imela i-yanawe! Oni-a njezaa namwasa oi njezaa itofiya. Titimi-o la Yohova litoumoneela.” Mwasa othene unothonyi-edha ira “i-yanula” ali Ziyoni venango Yerusalemu weo wali sede la Ayuda vahoriyo.a (Esa. 60:14; 62:1, 2) Sidadila inoimelela tundu wethene wa Aisraeli. Madhu aongile Esayala anoniiri-a kaana vyofuka vinli: Yoroma, n’nga ndi e-lini vevo Yerusalemu “vyaimenle liye” nooni-a njeza, n’nga airilena a-vi vyevi? Yanambili, n’nga madhu a Esayala anokwakwaneli-edhiwa malamboano?
N’nga ndi e-lini vevo Yerusalemu “vyaimenle liye” nooni-a njeza, n’nga airilena a-vi vyevi? Vahora Ayuda vyali aliwa wu Babulo wa vyawa 70, Yerusalemu na kachisee wali dembe. Mbwenye Ababulo tangagonji-iwile na Amediya na Perisiya, Aisraeli othene enao takala wu mumatatamo otongiwa na Ababulo, tatoothathuliwa ira tawelele waniwa nodhowa maweleli-edha lambela waimbarimbari. (Eza. 1:1-4) Romela yawa ya 537 AEC, atu ororomeleya a maziza 12, tatoowelela. (Esa. 60:4) Aliwa tatooroma velela sembe wa Yohova, ira paskwa nomanga okhoka kachisi. (Eza. 3:1-4, 7-11; 6:16-22) Voi e-no titimi-o la Yohova latooroma okhoka moneela Yerusalemu, thapulela atu a Nlungu enao tawelele waniwa. Ee-no naaliwene thitho (atu a Nlungu) tatooroma moneela vari vaatu o-om’mwidhiwa Yohova.
Mbwenye maulosi a Esaya oonga weleli-edha lambela waimbarimbari, takwakwaneli-dhiwe vang’ono baa-i vahora yeniyo. Aisraeli anjinji katadhowilenave m’vwela Nlungu. (Nee. 13:27; Mak. 1:6-8; 2:13, 14; Mat. 15:7-9) Vasogolovee tatoofiya vom’konda Yesu Kristu wenuo ali Mesiya. (Mat. 27:1, 2) Muyawa ya 70 EC, Yerusalemu na kachisee watoonongiwa okhoka fendo yanambili.
Yohova ali angamadhi onga ira vyevi vinodha ireya. (Dan. 9:24-27) Chaali ifunelo ya Yohova ira Yerusalemu wavailambo yavathi ukwakwaneli-dhe ikhundu iliyothene ya ulosi wa Esaya kapitulu 60, oonga weleli-edha lambela waimbarimbari.
N’nga madhu a Esayala, anokwakwaneli-edhiwa malamboano? Ee, mbwenye anokwakwaneli-edhiwa va i-yana opipirisa oi ndi “Yerusalemu wadhulu.” Voonga vya i-yanula, rumiwi Paulo atoonga ira: “Ngu m’mi-u.” (Agl. 4:26) Yerusalemu wa dhulu ndi ikhundu ya gulu la Nlungu enao ali angelo ororomeleya. A-imee ndi Yesu na Makristau ozoziwa okwakwana 144.000 oi molandana na Paulo, atokaana idedi-edho yodhowa makalanga dhulu. Aliwa ndi “tundu ochena” enao ndi “Israeli wa Nlungu.”—1 Pe. 2:9; Agl. 6:16.
N’nga Yerusalemu wadhulu “aimenle” a-vi, n’nga aoni-idhe a-vi “njezee”? Liye atooirana vyevi dhela mwaa-imee ozoziwa availambo yavathi. Dhoweni nioneni landana ulivo va vyevyo vyaaireele na vyongo vyalanyedhiwile va Esaya kapitulu 60.
Makristau ozoziwa tanoofuneela “imela” namwasa oi tali isini yopipirisa vahora panduwa waromile aliwa mwadheya arumiwi othene tangakwide. (Mat. 13:37-43) Ee-no aliwa tali mu Babulo nlukulu wenuo unoimelela mareligiau othene onama. Ozoziwa tali muudhaari fiyedha “komoni wa hora ino” yeniyo yaromile mu yawa ya 1914. (Mat. 13:39, 40) Va-anavire hora indendai mu yawa ya 1919, tatoothathuliwa thitho vahora yeniyene tatooroma oni-a njeziwa volaba basa yolaleela mwathindhi.b Wavyawa vyothene vyevi, atu okumela mumaziza othene takadhi ta-arelanga njezila thangani-avo atu Aisraeli wa Nlungu enao ta-adhi oi ndi “mamwene” oongiwa va Esaya 60:3.—Apk. 5:9, 10.
Sogolou Makristau ozoziwa anodha oni-a maningi njeza ya Nlungu. N’nga anodha irana a-vi vyevi? Tadha mari-a laba urumiwiwa wavailambo yavathi, aliwa anodha kala uikundu ya “Yerusalemu m’pya” venango anamatheliwa a Kristu enao ali mamwene naalimbo velela sembe okwakwana 144.000.—Apk. 14:1; 21:1, 2, 24; 22:3-5.
Yerusalemu m’pya unodha ira vyongo vinjinji vokwakwaneli-edha ulosi wava Esaya 60:1. (Mufwanafwani-edhe na lemba la Esaya 60:1, 3, 5, 11, 19, 20 na Apokalipse 21:2, 9-11, 22-26.) Yerusalemu wavailambo yavathila wali sede la guverno wa Aisraeli awale, ee-no na liyene thitho Yerusalemu m’pya na Kristu, unodha kala guverno wa utongi upya. N’nga Yerusalemu m’pya unothitha a-vi “kumela dhulu wa Nlungu”? Unodha irana vyevi voira vyongo vyokuza ilambo yavathi. Atu oova Nlungu okumela mumaziza othene, “anodha moneeliwa na njezee.” Aliwa anodha thathuliwa muvyodawa na wukwa. (Apk. 21:3, 4, 24) Vyo-arelavovyee vinodha kala vyoi “vyongo vyothene vinodha weleli-edhiwa,” ninga mwaongele Esaya na anamaongela enango. (May. 3:21) Weleli-edhiwa ulukulu waromile vevo Yesu vya-eliwile liye kala Mwene thitho unodha mari-a komoni wa utongi wa vyawa 1.000.
a Va lemba la Esaya 60:1, mu Baibulo la Dziko Latsopano, lino-indi-edha basa madhu oi “i-yana” a-kala “Ziyoni” venango “Yerusalemu,” namwasa oi madhu a Iyeberi enao athapuleliwe ira “imela” na “oni-a njezaa” anothonyi-edha ira unowandeliuo ndi i-yana, molandana na mwemo mukalele aliwa na madhu oi “wee.”
b Weleli-edhiwa lambela waimbarimbari weo waireile yawa ya 1919, ndi weo unoongiwa va lemba la Zakiyeli 37:1-14 na va Apokalipse 11:7-12. Zakiyeli atoongelatu ira Makristau othene ozoziwa, anodha thathuliwa muudhaari vasogolo vahora indendai. Ulosi wava Apokalipse unoonga vya baliwa opipirisa wa isigurupu ya abali ozoziwa enao taromile sogolela okhoka vasogolo vokala hora yoyeva ta-aodanga m’labela Yohova ninga mwafunela aliwa namwasa oi tatoomangiwa o-odawene. Muyawa ya 1919 “aliwa tatoo-eliwa kala dhaari ororomeleya na wazelu.”—Mat. 24:45; Muone bukhu loi A Adoração Pura de Jeová É Restaurada! Thakuru 118.