Hora yadhidhe ma-inje—Mbaani avwenle Nlungu?

Hora ya Nowa, atu anjinji tairecha vyongo vyothakala. Maromelo 6:5

Adamu na Eva to-obala a-ima, moi eeno atu to-oinjiva va ilambo ya vathi. Vira wa hora, angelo enango to-othanganeela na Satana, tongodha va ilamboni ya vathi.

Aliwa to-ovichinja khala atu, tongothela a-iyana. A-iyanawo to-obala a-ima alukulu, enawo tali anguru na aindale-ndale.

Ilambo ya vathi yo-odhala na atu oira vyongo vyothakala. Bibilya nawonga ira “thakala wa atu wo-oinjiva va ilamboni ya vathi, titho mathuulelo othene a mirimanimwiwa ali othakalave hora dhothene.”

Nowa oovwela Nlungu, moi eeno osasanya mwadiya. Maromelo 6:13, 14, 18, 19, 22

Nowa ali mutu waphama. Yohova om’mwandela Nowa ira unodha nonga atu othakala na ma-inje.

Titho, Nlungu om’mwandela Nowa ira asasanye mwadiya nlukulu, ira avolowemo liye, banja laye, na vinyama vya tundu uli wothene.

Angalive ira Nowa oowawandela atu ira Nlungu unowanonga na ma-inje, aliwa katavwenle. Enango tairecha ntheya; enango taira m’mwidanana.

Nowa angamari-idhe sasanya mwadiya, otukula vinyama liye vivolocha muwari mwa mwadiya.