MURU 10

N’nga lambela wavabanjani chini?

Banja lisazayanga vofunjedha wavabanja — Koreya do Sul

Atu othelana tafunjanga Bibilya vambo-i — Brazil

Mutu wa Mboni wa Yohova afunjanga Bibilya — Australiya

Banja lifunjanga myasa dha Bibilyani — Guineya

Romela walelene, Yohova unafuna ira mabanja takhalengana hora yoirela vyongo vambo-ive na ifunelo yoi talimbi-e unembiwa na gumaneya wiwa, thitho ira banjalo likhale lolimba. (Dotornomio 6:6, 7) Ngumwasiwa banja lili lothene la Mboni dha Yohova linosakhula hora yolambela wavabanja sumana nlilothene. Vahora yenna, mabanja anotapanya mwaimwerumweru vyongo vyaunemba vyovwelana na banjaliwa. Akhala ira munakhala mwekhave, munooda indi-edha basa hora yenna ira mummwandamele Nlungu. Munoira vyevyi vofunjedha Bibilya vamwasa unafunanyo sakhula.

Njihora yoi nimmwandamele Yohova. “Wandamelani Nlungu, titho liye unouwandamelani.” (Tiyago 4:8) Funjedha madhu a Nlungu unonikhami-a ira nimmwidhiwe phama Yohova. Ninoidhiwa phama makhalelwae thitho moda munoirela liye vyongo. Khalelo o-orucha oi nirome lambela wavabanjani, khuleri vambo-i Bibilya mogweli-a madhu vo-indi- edha basa ndandanda yoleri Bibilya ya sumana yeniyo, thitho ya Ingumi yi-u Yau Kristau na Urumiwi. Mutu uliwathene wavabanjanivo unooda va-iwa ndima dhinango dha Bibilyani dhoi aleri, vanduliviwa othene anotapanya makhundo afunjile aliwa vyaleriwa Bibilyanimo.

Njihora yoi nilimbi-e uxamwali-u vabanjani. Banja lafunjedhanga Bibilya vambo-i vinokhami-a atu othelana ira tafunanenga, thitho ira a-ima tadhiveliwenga anamabala. Hora yofunjedha inokhala yaimwerumweru thitho yofuneya sumana nlilothene. Anamabala anooda sakhula myasa dhinofuna aliwa funjedha movwelana na tunga laa-imiwa, vo-indi-edha basa myasa ya Nsanja ya Olonda na Galamukani venango va websaiti yi-u ya jw.org. Munooda tapanya myasa dhinango dhedho a-iminyu inogumaneyana aliwa xikolani naakhami-a ira tamali-e myasadho Thitho munooda oonela thandha wa Televizau ya JW Broadcasting, na tapanya vionelenyo. Munooda khala aimwerumweru vokhozeela nyumbo dhinofuna ombiwa migumanoni na udya vyodya vanduli votapanya.

Hora yavakhundu ino-indi-edha nyo basa vomlambela Yohova sumana nlilothene, inokhami-a ira mutu uliwethene wabanjani akhalenga waimwerumweru na madhu a Nlungu, thitho Yohova unodha raeli-a dhilimbi-edha wi-nyu.—Salimo 1:1-3.

Mwasiwa ngwan’ni ninosakha hora yolambela wavabanja?
N’nga anamabala anoira avi ira hora yenna ikhale yaimwerumweru wa mutu uliwethene wabanjanimo?