N’nga mabasi-u olaleela vya Umwene anawenda avi?

Yesu anga-adhi vang’ono ira aphiwe aongile ira: “Milanyu yaphama ya Umwene inodha laleiwa vailambo yothene yavathi wewo uli atu, ira ukhale umboni wumitundu yothene, eno khomoni unodha fiya.” (Mateu 24:14) N’nga vinaodeye avi laleela vailambo yothene yavathi? Vinoodeya vo-arela ifwanafwani-o ya Yesu angali vailambo yavathi.—Luka 8:1.

Ninodhilimbi-edha wendela atu mavandhe mwiwa. Yesu atoafunji-a anama-arelae ira talaleelenga nyumba na nyumba. (Mateu 10:11-13; Mayirelo 5:42; 20:20) Aliwa tatowandeliwa tatamo lofuna laleela. (Mateu 10:5, 6; 2 Akoritiyo 10:13) Mofwanafwana naaliwa basa lolaleela linoireya mwadodoliso, thitho mpingo uliwethene unova-iwa tatamo lofuna laleela. Vyevyi vinokhami-a a-rela lamulo la Yesu loonga ira “nilaleele waatu na velela umboni wokwakwanela.”—Mayirelo 10:42.

Ninovilimbi-edha ira nifwanye atu mamburo othene unafwanyeye aliwa. Yesu thitho atovelela ifwanafwani-o yaphama volaleela wa atu anjinji, ninga chereerani mwami-inje, na vaisimeni. (Marku 4:1; Juwau 4:5-15) Iyo thitho ninoongecha naatu myasa dha Bibilyani mamburo ali othene ninga ndhila, mamburo anoguli-amo atu vyongo, mamburo munowaredhecha atu, na vatelefonini. Thitho nakhaana hora yaphama, ninooda laleela atu owandamanana, afwi-u a basani, xikolani na abali-u. Vyothene vyevyi vitokhami-a ira atu availamboni yothene yavathi tavwe “milanyu yaphama yaivulumucho.”—Salimo 96:2.

N’nga vatokhala uliwethene unafunanyo mmwandela milanyu yaphama ya Umwene wa Nlungu na vinafunaatu dhaira sogolowu? Khamulokhote milanyu yaphamila yeniyo inova-a idedi-edho, vyaodeya wandelani enango mombaranya.

• N’nga njiimilanyu yaphama ivi inafuna laleeliwa?

• N’nga Mboni dha Yohova anosazi-edha avi Yesu volaleela?