N’nga andimuwa apingo anokhami-a avi pingo?

Gulu li-u khalinna anamaing’anela opagaliwa. Mo-arela ifwanafwani-o ya makristau oroma, andimuwa ofwanelela tano-eliwa ira ‘taing’anele mpingo wa Nlungu.’ (Mayirelo 20:28) Andimuwala mbowarala muunembani thitho tanosogolela mpingo no kumbiza gulu la mabila a Yohova “a-khala mokhanyi-edhiwa, mbwenye mofunechecha. A-khala mwasa ofuna ganyalivo yongo iliyathene, mbwenye na rima othene.” (1 Pedru 5:1-3) N’nga aliwa tano-inda mabasa oi avi vokhami-a mpingo?

Aliwa tanonisamalila thitho nivunela. Andimuwa apingo tanowendela nokhami-a mpingo vofuna uvunela mwaunembani. Voidhiwa ira Nlungu utowanyindela vowava-a izo yofuneya vinjinji, aliwa khatinanyingalela atu mbwenye tanodhilimbi-edha nikhami-a ira vyongo vyiniwendelenga phama thitho ira nikhale aimwerumweru. (2 Akoritiyo 1:24) Eno ninga namakumbiza una-inda basa mwathindhi vovunela libila nlilothene, andimuwa tanodhilimbi-edha idhiwana na mutu uli wethene vampingoni.—Sanganikho 27:23.

Anonifunji-a mwemule munairele iyo ifunelo ya Nlungu. Sumana nlilothene andimuwa tanoiri-a migumano ya mpingo namwasa ofuna nikhami-a ira nikhale na iroromelo yolimba. (Mayirelo 15:32) Alombwana ovivelela ninga enala tanoniva-a ifwanafwani-o yaphama va basa lolaleela, vonisogolela thitho nifunji-a ndhila dho-iyana-iyana dhoirela urumiwi.

Aliwa tanolimbi-a uliwethene wa iyo. Vofuna nikhami-a limbi-a uxamwali-u na Yohova, andimuwa avampingoni tanoniwendela mavandhe mwi-u venango nyumba ya Umwene ira tanikhami-e nonilimbi-a vo-indi-edha basa Bibilya.—Tiyago 5:14, 15.

Wenjedhela vokhami-a mabasa avampingoni, anjinji mwaaliwa tano-inda basa lolembiwa thitho tanosamalila mabanjiwa. Vyevyi vinowenjedhela horiwa thitho basa liwa. Eno ninofuneela alemeza abali athindhi ninga enala.—1 Atezalonika 5:12, 13.

• N’nga andimuwa avampingoni tana izo yoi avi?

• N’nga andimuwa tanothonyi-edha avi ira tanodhiveliwana uliwathene vampingoni?