MURU 21

Beteli chini?

A Mboni dha Yohova Ambili talabanga Departamento yaviruthiruthi vya Beteli — Departamento ya viruthiruthi wu Estados Unidos wu Amerca

Mmbo-i wa Mboni dha Yohova adindanga mabukhu va Beteli ya Alemanya — Alemanya

Mmbo-i wa Mboni dha Yohova alabanga Beteli ya Kenya basa lofula nguwo — Kenya

Abali ta-elanga vyodya va meza wu Beteli ya Kolombia — Kolombia

Beteli tidhina la Iheberi linathapulela “Nyumba ya Nlungu.” (Maromelo 28:17, 19) Dhina leli tofwanelela voidhiwi-a mabasa a Mboni dha Yohova vailambo yothene thitho indi-edhiwa basa vosakha-edha no khami-a va basa lolaleela. Limburo li-u nlukhulu linofwanyeya Estados Unidos wu Amereka, tatamo ya Nova York khuwewo unofwanyeya Gulu li-u Lotonga, Gululi linoing’anela mabasa anoireya maofesi a vilambo vinjinji. Othene olaba wewo tali ninga banja limbo-i: tanokhala, laba, udya na funjedha Bibilya vambo-ive. Ngumwasiwa tanoidhiweyana banja lava Beteli.—Salimo 133:1.

Tilimburo lopambuleya thitho atu ali vabanjaleli mbovivelela. Alombwana na a-iyana enao ali makristau anolaba Beteli, hora ili yothene tano-inda basa voirana ifunelo ya Nlungu nofuna khami-a vyongo vya Umwene vaurumiwi wa hora dhothene. (Mateu 6:33) Aliwa khatinatambila mbwenye othene tanova-iva subi logona, vyodya na kami-iwana khobiri yoyeva ira tagulengana vyongo vinango vyofuneya. Uli wethene unova-iwecha mabasa ninga ala: Basa la Ofesini, lophiya, dinda mabukhu, gumani-a mabuku, locheni-a sala lodyela, sakha-edha masubi, fula vyowara, sakha-edha vyongo na mabasa enango.

Limburo la mabasa manjinji okhami-a basa lolaleela vya Umwene. Ifunelo ilukhulu ya Beteli khufuna khami-a atu anjinji ira taidhiwe imbarimbari ya Nlungu dhela Bibilyani. Broxuraleli njiifwanafwani-o ya vyongo vyevyi. Litolembiwa moing’aneliwa na Gulu Lotonga eno longotumiziwa waalimbo thaphulela o-inaya-iyana rungunuwa ilambo yothene yavathi, othaphulelawo tangamadhi, tatotumiza maofesi o-iyana-iyana ira tamalidinde, abali enala tanooda dinda mabukhu manjinji va hora yoyeva, thitho tumiza mipingo yokwaranya mamilyau 110. Vo-inda mabasa othene, mabanja a Beteli anokhala takhami-anga basa lofuneya vinjinji lolaleela milanyu yaphama yeniyo inafuneya idhiwa mombaranya.—Marku 13:10.

N’nga mbaatu avi anolaba va Beteli thitho tanokhami-iwa avi?
Tibasa livi linokhami-iwa na Beteli nli lothene?