MURU 22

N’nga ofesini wa Mboni dha Yohova unaireya nni?

Gulu la abali tasaka-edha basa lolaleela Isuwa ya Salomao — Isuwa ya Salomao

Mmbo-i wa Mboni dha Yohova alabanga ofesini yodinda mabuku Canada — Canada

Makaro malukhulu tatukhulanga mabuku — Afrika do Sul

Abali na arongola a banja la Beteli ano-inda mabasa mmadepartameto o-iyana-iyana, thitho urumiwi unaatu unakhami-a vabasa lolaleela mwilamboni mwiwa venongo vilambo vinango. Enango mwa abali na arongola enala anolaba vabasa lothaphulela mabuku dinda magazini na mabuku, rumi-edhanga mabuku mimpingoni no garavari nyumbo, madarama na vyovuruwana/mavidiyo, na mabasa enango ofuneya.

Gulu la Tambi nlilothene linoing’anela basa la Mboni dha Yohova. Gulu Lotonga linova-a izo Gulu la Tambi ira ling’anelenga mabasa othene amaofesi a Mboni dha Yohova. Atu tana-eliwa khala Gulu la Tambi anakhala andimuwa ofwanelela araru venongo kwaranya. Gulu leli linoidhiwi-a Gulu Lotonga mwemo basa mwilamboni mwiwa munawendelaatu venango vilambo vinaing’anela Gululo, thitho nyarwa dhothene dhinakhalevo. Malipoti enawo anokhami-a Gulu Lotonga idhiwa myasa dhoi talembe, mabuku venango magazini venangotho myasa dhinasori-iwe vamigumanoni yampingo venango migumano ilukhulu. Abali oimelela Gulu Lotonga enao anaromoliwa ira oing’anela owendela Tambi, tanorumiwecha wiliwili ira tamawendele Tambi dho-iyana-iyana. Aliwa tanovelela malangi-o okhami-a wa abali tali mu Gulu la Tambi. (Sanganikho 11:14) Oing’anela owendela Tambi afiya dhawaredhela Tambi vanoireyecha gumano wopambuleya. Vagumanonivo owaredhela Tambi unosori-a mwasa olimbi-a vinjinji atu tali isa ya tambi yeniyo.

Ofesi ya Mboni dha Yohova uno-indiwa basa lokhami-a mipingo ya vilamboni. Abali aizo a ofesi ya Mboni dha Yohova tanorumelela ira mipingo mipya i-eliwe. Thitho vano-eliwa abali ira taing’anelenga mabasa aapainiya, mamisionario, thitho anamaing’anela isa tanolaba mwaari mwa isa inoing’aneliwa na tambiyo. Aliwa tanosakha-edha migumano, ming’onong’ono na milukhulu, tanoing’anela mabasa omanga Nyumba dha Umwene na onechecha ira mabuku anoveleliwa mipingoni. Vyothene vinolabiwa ofesini pyofuna khami-a ira basa lolaleela liireenga mofwanela.—1 Akoritiyo 14:33, 40.

N’nga Gulu la Tambi linakhami-a a-vi Gulu Lotonga?
N’nga wu ofesini yatambi onaireya mabasa oi a-vi?