MURU 25
Mwasiwa ngwan’ni ninomanga Nyumba dha Umwene,—n’nga ninadhimanga avi?
Bolivia
Nigeria, voroma vanduli
Taiti
Likhundo nlukhulu la Bibilyani linafunjedha iyo, Nyumbani ya Umwene tokhuza Umwene wa Nlungu. Thitho likhundo nlukhulu va urumiwi wa Yesu lali Umwene wa Nlungu.—Luka 8:1.
Tilimburo lolambelela Nlungu mwaimbarimbari. Nyumbani ya Umwene khuwewo Mboni dha Yohova unakhozeela aliwa basa lolaleela milanyu yaphama vatatamoni viwa. (Mateu 24:14) Ulukhula wa Nyumba ya Umwene, thitho mamangelo anokhala o-iyana-iyana. Mbwenye, dhothene dhinokhala dhooneya phama thitho dhinjinji dhinooda i-ndi-edhiwa basa na mipingo mingasi. Muvyawa vyachineneeva nitomanga Nyumba dha Umwene dhinjinji dhene (vinaoneya ira vadambo namanga Nyumba dhithanu) vyevi vinoireya namwasa oi mipingo inanawenjedheleya vinjinji. N’nga viodeyile avi ira nimange Nyumba dhoinjiva eni?—Mateu 19:26.
Nyumbadhi dhinomangiwa vo-indi-edha basa khobiri dhoveleliwa. Vyovelelavi vinorumi-edhiwa ofesini ya Mboni dha Yohova ira dhimaveleliwe mipingo yofuna mangiwa venango sakhaedha Nyumba ya Umwene.
Nyumba dha Umwene dhinomangiwa naatu o-iyana-iyana ovivelela o-opagaliwa. Muvilambo vinjinji mutokhala Magulu omanga Nyumba dha Umwene. Abali na arongola o-inda basa movivelela mmagulu enala anodhowecha mipingo yo-iyana-iyana ilambo imbo-ive yeniyo. Aliwa tanofiya wa-ali mamidhi anjinji ira tamakhami-e basa lomanga Nyumba ya Umwene, thitho funji-a abali a wewo munafunelaatu i-nda basali. Muvilambo vinango, mutokhala abali oing’anela basa lomanga nosakhaedha Nyumba dha Umwene tatamo uva-iwile aliwa. Andimuwa oidhiwa phama basa yomangamanga tanosogolela mipingo vomanga Nyumba dha Umwene thitho tanoonechecha ira vyothene vyofuneya vabasali vitoireya. Vanokhala alimbo manga oidhiwa mabasa o-iyana-iyana, ovivelela vabasa leli. Angalive ira atu anjinji anokhami-echa vabasali movivelela, anokhala a pingonimo. Vyothene vinaodeya mwasa oi Yohova unonikhami-a na nembae wochena thitho atwae tano-inda basali movivelela.—Salimo 127:1; Akolose 3:23.
Mwasiwa ngwan’ni mamburwi-u olambelamo anoitaniwa Nyumba dha Umwene?
N’nga vinaodeya avi manga Nyumba dha Umwene valimbo yothene?