N’nga bibliotheka la Nyumbani ya Umwene inanikhami-e avi?

N’nga munofuna ira musakesake myasa ira muwenjedhele idhiwa winyu Bibilya? N’nga munofuna funjedha vinjinji vyokhuza lemba, venango mutu, limburo venango yongo yoongiwa Bibilyani? N’nga munovifukha akhala madhu a Nlungu anooda ukhami-ani va yorucha iliyothene inausukwali-ani? Akhala ndi eno indi-edhani basa bibliotheka ya Nyumba ya Umwene.

Munokhala mabuku oukhami-ani sakasaka vyongo. Venango nyo khamunna mabuku othene oonga vya myasa ya Bibilya a viongelo vinyu. Mbwenye bibliotheka ya Nyumba ya Mboni dha Yohova itokhaana mabuku mapya achineneeva. Venango munofwanyamo Mabibilya o-iyana-iyana, buku laphama lothaphulela madhu na mabukwi-u enango okhami-a. Mutokhaana ufulu voleri mabuku a bibliotheka, migumano ya-anarome venango yangamadhi. Akhala bibliothekanimo mutokhala computadore, venango vacomputadorenivo vatokhala Watchtower Library. Yenna njibibliotheka ya vacomputadore ya mabukwi-u manjinji thitho njo-orucha i-ndi-edha basa, voi munooda sakasaka mwasa, madhu venango lemba.

Inonikhami-a vokhozeela myasa dha migumanoni dha Ingumi yi-u Yau Kristau na Urumiwi. Munooda i-ndi-edha basa bibliotheka ya Nyumba ya Umwene vokhozeela mwasinyu. Woing’anela gumano wa Ingumi yi-u yau Kristau na urumiwi ngunna izo yoing’anela bibliotheka. Liye unoonechecha ira mabuku na magazini achineneeva tato-eliwa bibliothekani, thitho ta-eliwile mwadodoliso. Baliyo venango mutu unaufunji-ani onouthonyi-edhani mwemo munaodele nyo sakasaka mwasa uliwothene unafunanyo. Mbwenye mabuku a bibliotheka khatinarumeli-a khumi-iwa Nyumbani ya Umwene. Thitho ninofwanela alembamo vyongo noalemeza.

Bibilya linaonga ira nafunanga “mmwidhiwa phama Nlungu” ninofwanela khala athindhi vosakasaka madhwae ninga munasakasakela iyo “fuma dholokhoteya.” (Sanganikho 2:1-5) Bibliotheka ya Nyumbani ya Umwene tilimburo laphama vanaodele iyo sakasaka myasa dho-iyana-iyana.

• N’nga bibliotheka ya Nyumba ya Umwene munafwanyeya nni vyoukhami-ani sakasaka myasa?

• N’nga mbaani unaukhmi-eni mwemo munaodele nyo indi-edha basa bibliotheka?