YOFUNJEDHA 7

N’nga Umwene wa Nlungu chini?

1. N’nga Umwene wa Nlungu chini?

1. Umwene wa Nlungu dhulu; 2. Yesu aili-anga mulimba maranya — Mwasiwa ngwani Yesu ngu Mwene wofwanelela?—MARKU 1:40-42.

Umwene wa Nlungu ngu utongi uli dhulu. Nlungu unodha indi-edha basa utongi wenna ira aire ifunelo yae vailambo yavathi ninga dhulu. Wenna ngu umwene unafuna iyo. Mombaranya aliwa unodha valimburo va mamwene a malambo ano titho unodha gumani-a atu. Khaninaona ira yenna timilanyu yaphama?—Muleri Danieli 2:44; Mateu 6:9, 10; 24:14.

Umwene uliwethene unokhaana mwene. Yohova usakhula mwanae, Yesu Khristu, ira akhale Mwene wa Umwene wae.—Muleri Apokalipse 11:15.

2. Mwasiwa ngwani Yesu ngu mwene wofwanelela?

Yesu ngu mwene wofwanelela neri-a liye ngwaphama vinjinji titho ngolongomana. (Mateu 11:28-30) Iyavo vyongo vyevyo, liye utokhaana nguru dofuna khami-a atu neri-a unodha tonga angali dhulu. Angawelenle dhulu, liye atodedi-edha fiedha vahora yoi akhale Mwene. (Aebere 10:12, 13) Mbwenye chineneeva unaatonga dhulu titho utova-iwa nguru ira atonge ilambo yothene yavathi.—Muleri Danieli 7:13, 14.

3. Mbani unafuna dhatonga vambo-i na Yesu?

Nlungu unaasakhula gulu loyeva laatu ira limatonge vambo-i na Yesu dhulu. Bibilya linowaromola atu enawo khala “ochena.” (Danieli 7:27) Atu oroma sakhuliwa tali arumiwi ororomeleya a Yesu. Fiedha malambo ano Yohova unave sakhula alombwana na a-iyana ira takhale mu gulu leli. Aliwa takwa, tano-iya khala vailamboni yavathi ninga atu na venyathi ira tamakhalenga dhulu.—Muleri Juwau 14:1-3; 1 Akoritiyo 15:42-44.

N’nga mbaatu angasi anofuna dadhowa dhulu? Yesu o-oromola gulu leli ira “ligulu la mabila.” (Luka 12:32) Thangani-a othene tali atu okwakwana 144.000 anofuna dhatonga vamboni na Yesu ilambo yavathi.—Muleri Apokalipse 14:1.

4. N’nga Yesu airile nni anga-eliwile khala Mwene?

Yongo yoroma yairile Yesu yali tamangi-a Satana dhulu vambo-i na minemba yothakhala. Vyevi viireile mu yawa ya 1914.a Satana o-othakhaleliwa vinjinji titho nguliye unairi-a nyarwa vailambo yothene. (Apokalipse 12:7-10, 12) Fiedha malambo ano, vyongo vitofiaya vothakhala vinjinji. Malambo ano utokhala ndhala, khondo, marenda na vindharandhara. Vyongo vyevi vinothonyi-edha ira umwene wa Nlungu uli vakwikwi ira urome tonga vailamboni yavathi.—Muleri Luka 21:7, 10, 11, 31.

5. N’nga Umwene wa Nlungu unaira nni?

Umwene wa Nlungu unaakhami-a atu anjinji ira tafunjedhe madhu a Nlungu. Atu anjinji vailambo yothene yavathi tali uikhundu ya umwene wenna. Atu enala mbovwelana titho mbovwela Mwene Yesu. Aliwa anodha vuneleliwa Umwene wadhanonga atu othakhala. Athene ofuna vuneliwa tanofuneya vwela Yesu.—Muleri Apokalipse 7:9, 14, 16, 17.

Atu enao anokhami-a Umwene wa Nlungu tangali muparadaizoni

Nlungu unodha indi-edha basa Umwenae ira airena vyafuna liye voroma. Vavira vyawa 1000 ilambo yothene inodha khala paradaizo. Vyevi vyaireya, Yesu unodha velela Umwene wa Babae. (1 Akoritiyo 15:24-26) Nyo mutommwidhiwa mutu uli wofunechecha idhiwa milanyu ninga yenna?—Muleri Salimo 37:10, 11, 29.

Ira mwiidhiwe vyowenjedheleya, muone muru wa 8 na 9 wa bukhu loi Zimene Baibulo Limaphunzitsa.

a Ira muvwecheche phama mwasa wa ulosi wa Bibilyani oonga vya yawa ya 1914 muone thakuru 217 fiedha 220 la bukhu loi Kodi Zimene Baibulo Limaphunzitsa.