N’nga atu okwa anodha khalawo okhokha?

BIBILYA N’NAWONGA AVI?

“Unodhakhala venyathi-iwa muukwani.”—Mayirelo 24:15, Tradução do Novo Mundo.

VYEVYO VINATHAPULELAN’NI WA NYO?

Vinouphedelani vilela mwakweliwa.—2 Akoritiyo 1:3, 4.

Mo-oova wukwa.—Aebere 2:15.

Munodhakaanadi idedi-edho yodhakhala vambo-i okhokha na abalinyu ofuneya akwide.—Juwau 5:28, 29.

NINOODADI RUMELA VILE VINAONGA BIBILYA?

Ee, va vyongo viraru:

• Nlungu ngu Namaphanducha wa ingumi. Bibilya n’namwira Yohova Nlungu ngu “timwathi la ingumi.” (Salimo 36:9; Mayirelo 17:24, 25) Nguliye ekhene unava-a ingumi vyophanduchiwa vyovuma vyothene na wunaoda weleli-edha ingumi wa ale akwide.

• Nlungu uvenyathi-a atu ndulimu. Bibilya n’nowonga vya atu athanu na araru, a-ima, andimuwa, a-iyana na alombwana, enawo tavenyathi-iwile muukwani. Enango vyakwide aliwa tavenyathi-iwile moodhimbela masiyeni, m’mbo-i ngwamadhiwo malambo manayi!—Juwau 11:39-44.

• Nlungu nofunechecha irana vyevyo okhokha. Yohova noyidanana wukwa; liye wukwa unoona ira ngu mwidani. (1 Akoritiyo 15:26) Liye “unofunechecha” m’kurudha mwidani wen’na, ira amali-e wukwa dhela movenyathi-a atu muukwani. Liye unofunave venyathi-a atu ale akwide tangali muyithuuleloni yae ira tadhaaone tangali mwingumini va ilamboni ya vathi vano.—Yobo 14:14, 15.