Nlungu atoopanducha dhulu na ilambo yavathi

Ngu Yohova Nlungu unipanduchile. Mbwenye i-yo kaninooda m’mona. Ngu Yohova upanduchile vyongo vyothene vinoona i-yovi na vya-anooda i-yo viona. Mbwenye a-anapanduche vyongo vinoona i-yovi, aromile panducha angelo anjinji. N’nga angelo utowaidhiwa? Angelo mbo-iyana naatu. I-yo thitho kaninooda aona. Ngelo oroma panduchiwa, atoom’kami-a Yohova panducha vyongo vyothene. Atom’kami-a panducha vyongo ninga nyenyedi na mapalaneta. Limbo-i mwa mapalanetala ndi ilambo yi-u yobaleyai.

Vasogolovee Yohova atoosaka-edha ilambo yavathi ira vakalenga atu na vinyama. Atooiri-a thitho ira wala wa dhuwa ufiyenga vailambo yavathi. Thitho atoopanducha myango, bara na mi-inje.

N’nga utoidhiwa vyairile liye vasogolovee? Yohova aongile ira: ‘Ndinomeli-a malachi, miri na vyomela vinango.’ Ee-no vailambo yavathi vatooroma mela miri ya vyova-a, mafolori na vyongo vinango. Adhamale atoopanducha vinyama vyo-iyana i-yana, vinango vyopurumuwa, vinango vya mwiko thitho vinango vyali vyomburunuwa. Vinyama vinango vyali ving’ono ninga anamarogolo thitho dhinango dhali dhilukulu ninga ndhou. N’nga inyama inousangalali-a njivi?

Ee-no Yohova atom’mwandela ngelo oromule ira: “Dhowe nipanduche mutu.” Atu apanduchiwile mo-iyana na vinyama. Atu anooda ira vyongo ninga onga, theya thitho lobela. Yohova atoawandela atwao ira taing’anelenga ilambo yavathi na vinyama. N’nga utom’mwidhiwa mutu oroma panduchiwa ira ali ani? Ninodha ona vyevi mu muru o-arela.