Yehova kaam’diwanle Yosefi

Yosefi angali perezo, Farau wenuo ali mwene wau Iguputu, atooro-a vyoro-a. Kavali mutu aidhiwa thapulela vyoro-avyo. Namalaba mwinango wa Farau atoonga ira Yosefi unooda thapulela vyoro-avyo. Hora yeniyene Farau atom’mwitana Yosefi.

Angafiile Farau atom’fuka ira: ‘N’nga unoidhiwa vinothapulela vyoro-a vyanga?’ Yosefi atoowakhula ira: ‘Wa vyawa 7 vinodhavi, Muiguputu muno munodha kala vyodya vinjinji, mbwenye adhamala unodha udha vyawa vinango 7 vyandhala. Musakule mutu wazelu ira agumani-e vyodya ira atwinyu ta-akwe na ndhala.’ Farau atoowakhula ira: ‘Nditousakula weyo. Unokala ondi-arelanga wanambili.’ N’nga Yosefi aidhi a-vi vyothapulela vya vyoro-a vya Farau? Ngu Yohova am’kami-idhe.

Ee-no Yosefi atoogumani-a vyodya wa vyawa 7, adhamale vailambo yothene vatookala ndhala ninga mwaongele Yosefi. Atu okumela muvilambo vyo-iyana i-yana tanoodha dhagulanga vyodya wa Yosefi. Babee Yosefi angavwide ira wu Iguputu utokala vyodya, atooruma a-imee 10 ira tamagule vyodya.

A-ima a Yakobo tangadhowile wa Yosefi, angaaoni atowazindiyela. Mbwenye abaleao katam’zindiyele. Aliwa tatom’kokorela thitho vyevi vyali vyovwelana na vyaro-idhe Yosefi angali mwana. Mbwenye liye anoofuna idhiwa akala abaleeo anom’mwidananave. Ee-no atoawandela ira: ‘Nyo muli anamazondela mudhidhe uno ira musakesake weo ilambwi-u ufookile aliwa.’ Aliwa tatoowakhula ira: ‘Mwaimbarimbari kabe. Nikumele wu Kanani thitho banjani mwi-u nilimo alombwana 12. Bali-u mwinango utokwa thitho ng’onwi-u u-adhi na babi-u.’ Ee-no Yosefi atoonga ira: ‘Mwadhanga mum’dhena ng’onwinyuo ira ndiuroromeleni.’ Abalee a Yosefi awo tatoowelela waniwa.

Yodya ingamadhi, Yakobo atoawandela a-imee ira tadhowe okoka wu Iguputu. Vyadhowa aliwa tatoom’tukula ng’onwiwa thitho dhinalee ali Benjamini. Vofuna awesedha abaleao, Yosefi atoolokota kopwee sakani mwa Benjamini noawandela ira atoba kopwiyo. Anamalaba a Yosefi tatoofwanya kopwiyo sakani mwa Benjamini thitho vyevi vyatoadabwi-a maningi. Aliwa tatoom’vepha Yosefi ira aalange aliwa malo mwa Benjamini.

Kumela vevo Yosefi atooidhiwa ira abaleao atochinja maningi. Liye kaaodileve u-inda rima voi atooroma ula noonga ira: ‘Ngumiyo Yosefi, balinyule. N’nga baba utokalao?’ Abaleao tatoodabwa maningi. Mbwenye liye atoawandela ira: ‘Kamukhumbanye na vyandiirele nyoovile. Nlungu ngwandirumile uno ira auvulumucheni. Dhowani mumam’tukule baba mum’dhena uno.’

Abaleao tatoodhowa mam’mwandela babiwa milanyu yapama thitho tatom’tukula nom’dhowana wu Iguputo. Yosefi na babeuo tangaguman’ne tatoosangalala maningi namwasa oi vali vangavirile vyawa vinjinji ta-aonananga.