Yohova atom’sakula Yoswa

Mose atoosogolela Aisraeli wa vyawa vinjinji. Anga-adhi vang’ono wukwa, Yohova atom’mwandela ira: ‘Weyo kunodha volocha Aisraeli muilambo yolanyedhiwa. Mbwenye ndinodha ira uoni-a baa-i ilambwiyo.’ Ee-no Mose atom’vepha Yohova ira asakule namasogolela mwinango oi asogolelenga atwao. Yohova atom’mwandela ira: ‘Udhowe wa Yoswa umam’mwandele ira nditom’sakula ira asogolelenga atwanga.’

Mose atoowandela Aisraeli ira voi liye a-adhi vang’ono wukwa, Yohova utosakula Yoswa ira aasogolelenga vodhowa mavolowa muilambo yolanyedhiwa. Mose atom’mwandela Yoswa ira: ‘Kuove Yohova unoukami-a.’ Adhamale Mose atoodhowa vadhulu va mwango wa Nebo. Angali mwangonio Yohova atom’moni-a ilambo yalanyedhile liye Abrahamu, Izaki na Yakobo. Adhamale Mose atookwa, akwide angana vyawa 120.

Yohova atom’mwandela Yoswa ira: ‘Muvandele i-nje wa Yordani novolowa muilambo ya Akanani. Ndinongo ukami-a ninga mwairela miyo na Mose. Uleringa malamulwanga dambo nlilothene. Ukale olimba rima thito kuove. Udhowe umairena viuwandenle miyo.’

Yoswa atooruma atu ambili ira tamazondele sidadi ya Yeriko. Mu muru o-arela ninodha ona vyaireile atwao tangafiile sidadimo. Tangawenleo tatoonga ira va-eeni ndi hora yoi Aisraelao tavolowe muilambo ya Akanani. Va dambo lo-arela Yoswa atoowandela Aisraeli ira tarome ulendo odhowa wu Kanani. Adhamale atoowandela alimbo velela sembe enao tatukunle likasa lavwelano ira tasogole nodhowa i-njeni wa Yordani. Vahora yeniyo ma-inje tali tangadhalele. Mbwenye alimbo velela sembao tanganyinganle ma-inje, i-njuo watooroma wuma. Aliwa tatoowenda mafiya vari va-injuo noimela vevo fiyedha Aisraeli othene vandela. Vyaireilevi, vyatowathuucha Aisraeli vyaairele Yohova va bara yofiila.

Tangawendile wa vyawa vinjinji Aisraeli tatoofiya muilambo yolanyedhiwa. Aliwa tatooroma manga nyumba na masidadi. Lima minda nodhala mauva na mbeu dho-iyana-iyana. Mwaimbarimbari yali ilambo yapama thito yobaleya maningi.