Kachisi wa Yohova

Solomu anga-eliwile kala Mwene, Yohova atom’fuka ira: ‘N’nga unofuna nduuva-e n’ni?’ Solomu awakhunle ira: ‘Miyo ndili mwana thitho kandinoidhiwa vyongo vinjinji. Ndiva-eni zelu ira ndiodenga tonga pama atwinyu.’ Yohova atom’mwakhula ira: ‘Voi undivephile zelu ndinouiri-a ira ukhale mutu wazelu kwaranya mutu uliwethene. Thitho ndinouva-a fuma. Wandivwelanga, unodha kaana ingumi indendai.’

Ee-no Solomu atooroma manga Kachisi. Atoo-indi-edhela basa oro, siliva, vimuri na mabwe thitho vyothene vyevi vyali vyapereso yavadhulu. Vatookala alombwana naa-iyana adodoliso enao alaba basa yomanga Kachisuo. Vangavirile vyawa 7, basa yomanga Kachisi yatoomala thitho yali hora yoi Kachisuo uveleliwe wa Yohova. Kachisula watokaana iguwa vevo va-eliwile Sembe. Solomu atookokora vasogolo vaiguwayo nolobela ira: ‘Yohova Kachisula kai obaleya thitho kai nlukhulu oi nyo munooda kwakwanamo. Mbwenye nirumeli-eni ira nuulambelengani Mukachisula thitho muvuruwanenga malobelwi-u.’ N’nga Yohova avwide a-vi na lobelo la Solomuli? Solomu angamari-idhe lobela, Mulo watoothitha khumela dhulu noka-a sembe dhothene dhali vaiguwanivo. Vyevi vyatoothonyi-edha ira Yohova atoosangalala na Kachisuo. Aisraeli tangaoni vyevi tatoosangalala maningi.

Mwene Solomu atooidhiweya mu Israeli mothene na matatamo enango aundendai ira ali wazelu maningi. Atu tanoodha waliye ira aakami-e vanyarwa dhagumanana aliwa. Thitho Mwene wa-iyana wau Seba atoodha dha m’mwesedha vom’fuka vyofuka vyorucha. Mbwenye angavwide vyowakhula vya Solomu aongile ira: ‘Kandaroromela vyevyo atu vyandiwandela aliwa vyokhuza nyo. Mbwenye va-eeni nditoona ira muli wazelu maningi kwaranya mwemo atwao mwandiwandela aliwa. Yohova Nlungwinyu utouraeli-ani maningi.’ Vyongo vyothene vyanoowenda pama mu Israeli thitho atu tonoosangalala. Mbwenye vira wahora vyongo vyatoochinja.