Yohova atoom’kami-a Mwene Yosafati

Yosafati ali mwene wa Yuda thitho atoogomola mamburo ovelelavo sembe a Baala nononga mafwano othene muilambwiyo. Yosafati afuna ira atu taidhiwe malamulo a Yohova. Ee-no atooruma andimuwa na Alevi ira tamafunji-e atu malamulo a Yohova mu Yuda mwethene.

Atu avilambo vyowandamana na Ayuda, tanoova adhimbinuela namwasa oi tatooidhiwa ira Yohova ali naaliwa. Atwao tatoofiya vovelela vyotuva wa Mwene Yosafati. Mbwenye Amowabu, Aamoni naatu okhumela wu Seiri tatoodha ira takhome khondo na Ayuda. Veva Yosafati atooidhiwelatu ira anofuneela khami-iwa na Yohova. Adhaire ee-no atooitani-a alombwana, a-iyana naa-ima ira tadhowe wu Yerusalemu. Atwao tangafiile, Yosafati atoolobela ira: ‘Yohova, nyo mwa-anikami-e kaninoganyali vakondwila, pepani nikami-eni namwasa oi kaninoidhiwa inofuna i-yo ira.’

Yohova atoowakula lobelolo ira: ‘Kamuove, namwasa oi ndinoukami-ani. Kalani mamburoni mwinyu, noona ndiuvulumuchangani.’ N’nga Yohova aakami-idhe a-vi?

Vadambo lo-arela, Yosafati atoosakula atu oomba nyumbo noawandela ira tawendenga vasogolo vaanyakhondwao. Atwao tatoowenda khumela wu Yerusalemu mafiya wu Tekowa weo waireele khondwiyo.

Aliwa tanoom’mombela Yohova nyumbo mogweli-a madhu thitho Yohova atoakomela khondo atwee. Atooiri-a ira Amowabu na Aamoni tarome phana okaoka thitho kavali mutu nam’mbo-ene avulumuwile. Yohova atoobarela Ayuda, anyakhondo, naalimbo velela sembe. Atu avilambo vyowandamana na Ayuda, tatoovwa vyairile Yohova thitho tatooidhiwa ira liye unokami-a atwee. N’nga Yohova unovulumucha a-vi atwee? Unowavulumucha mundhila dho-iyana-iyana thitho kanofuneela kami-iwa naatu ira airena vyevi.