Yesu atoowelela dhulu

Yesu naanamafunjedhee tatoogumana wu Galileya. Weo atoava-a lamulo lofuneya maningi loi: ‘Ee-no mudhowe mumafunji-e atu amaziza othene ira takale anamafunjedhanga. Mumafunji-e vyongo vyaufunji-idheni miyo thitho mwaabadize.’ Adhamale atoalanyedha ira: ‘Ndinokala nanyo vambo-i.’

Yesu angavenyathi-iwile atoomala malambo 40 vailambo yavathi vano thitho atoonana naanamafunjedhee anjinji wu Galileya na wu Yerusalemu. Atoafunji-a vyongo vinjinji thitho atooirana vyodabwi-a. Ee-no atoogumanana arumiwee vamwangoni wa Maolivi. Atoawandela ira: ‘Kamukhumemo Yerusalemu muno. Mudedi-edhele Babanga vilanyedhile liye.’

Arumiweao katavwechechile vyongo vyaonga liyevyo, ee-no tatom’fuka ira: ‘N’nga ee-ni munokala Mwene wa Israeli?’ Mbwenye liye atoawakhula ira: ‘Hora ya Nlungu yoi ndikale Mwene kinakwakwane. Munodha wachela kopolo ya zimu ochena thitho munodha kala Mboni dhanga. Munodhafunji-a atu wu Yerusalemu, Yudeya, wu Samariya, fiyedhela komoni wailambo.’

Ee-no Yesu atooroma gwela dhulu thitho atoolokoteya Miramboni. Arumiweao tatooing’ana fiyedhela Yesu angalokoteile.

Ee-no arumiweao tatookhumamo mwangoni wa Maolivi nodhowa wu Yerusalemu. Hora dhothene tanoogumaneyecha kwartuni ladhulu nolobela. Tadedi-edhelanga ira Yesu aava-e malangi-o enango.