Karta lokhumela wu Gulu Lotonga

Odhiveliwiwa abali naarongoli-u:

Namwasa oi ninom’dhiveliwana Yohova, ninodhiveliwana maningi thitho Bibilya namwasa oi mbamadhwee. Ninoidhiwa ira myasadhee tolinyali thitho makhundwee mbokami-a. Ninoidhiwa thitho ira Yohova utoniva-a Bibilya namwasa oi unonidhiveliwana. (Salimo 119:105; Luka 1:3; 1 Juwau 4:19) Nili ofunechecha thitho kami-a atu ira taidhiwe imbarimbari yamadhu a Nlungu. Ee-no nili osangalala khumi-a Bukhu la muru oi “Vinofuna i-yo funjedha mumyasa ya Bibilyani.” Thitho ninofuna niuwandeleni vang’ono vya Bukhuli.

Onga mwaimbarimbari Bukhuli nililembile ira likami-e a-ima. Mbwenye angalive ira vili ee-no, linokami-a thitho andimuwa enao anofuna liidhiwa pama Bibilya. Voi Bibilya ndi Bukhu lamutu uliwethene, funjedha myasa ili Bukhunimu unoniiri-a ira nikalenga osangalala.

Bukhuli linoonga myasa ya Bibilyani romela vapanduchiwile atu. Nitodhilimbi-edha lemba myasadhi mundhila yo-orucha uvwa thitho a-rela hora yaireya vyongovyo.

Mbwenye kaiira Bukhuli linoonga myasa ya Bibilyani baa-i. Nitolemba myasadhi na viruthithivyee mundhila yoi mutu aleringa, akalenga ninga unaaona vevo vyongovyo vyaireya aliwa thitho uvwa ninga mwemo atwao mwadhivwela aliwa.

Bukhuli linonikami-a ona ira Bibilya linoonga vyaatu ale avwenle Yohova na a-avwenle. Thitho linonikami-a ona vyongo vinafunjedhevo i-yo waatwao. (Aroma 15:4; 1 Akoritiyo 10:6) Bukhuli litokaana vikhundu 14. Maromelo wa ikhundu iliyothene utokala madhu oonga ira, vinofunjedhavo i-yo vaikhundu yen’na.

Akala muli namabala munooda leri vambo-i naa-iminyu muru uliwethene notapanya viruthiruthivyee. Mwamala munooda thitho leri vambo-i maversu a Bibilyani enao vakhumele mwasuo. Mwaira ee-no, munooda kami-a a-imao ona vwelana ulivo vari va vilerilenyo Bibilyani na vifunjedhilenyo mumwasuo. Ndhila yen’na inooda thitho kami-a akala munofunjedha na mutu unofuna liidhiwa pama Bibilya.

Kaninokaikela ira Bukhuli linokami-a a-ima naandimuwene ira tafunjedhe makhundo am’madhu a Nlungu nowa-indi-edhanga basa vaingumiiwa. Vi vinooda akami-a ira naaliwene thitho takale mubanja la Nlungu nom’lambelanga.