Mareligiau onama tanofunji-a vyongo vyonama vyokuza Nlungu

Mareligiau anoonga ira anoira thitho onga vyongo mudhina la Nlungu, takadhi tairanga vyongo vinjinji vyothakala. N’nga mwasiwa ngwan’ni mareligiauala tanoira vyevi? Imbarimbari choi mareligiauwala mbonama. Vinofunji-a aliwa na vinoonga aliwa vinoiri-a ira atu taroromelenga vyonama vyoonga Nlungu. N’nga mareligiuwala anoira a-vi vyevi? N’nga Nlungu unovwa a-vi aona vinoira mareligiau onama? N’nga chini inofuna liye dhaira?

1. N’nga vinofunji-a mareligiau onama vinoiri-a a-vi atu roromelanga vyonama vyokuza Nlungu?

Mareligiau onama takadhi “tachinjani-anga imbarimbari ya Nlungu na vyonama.” (Aroma 1:25) Mofwanafwani-a, mareligiau manjinji katinofunji-a atu dhina la Nlungu. Mbwenye Bibilya linofunji-a ira pyofuneya i-ndi-edha basa dhina la Nlungu. (Aroma 10:13, 14) Anamasogolela enango amareligiau tanoonga ira yongo yothakala yaireya, chiifunelo ya Nlungu. Mbwenye vyevyo pyonama. Nlungu kanairi-a vyongo vyothakala. (Muleri Yakobo 1:13.) Pyova-a tangaranga ira vyonama vinofunji-a mareligiau onamaala, vinoiri-a ira atu ta-amdhiveliwengana Nlungu.

2. N’nga vinoira mareligiau onama vinoiri-a a-vi atu roromela vyonama vyokuza Nlungu?

Mareligiau onama tanoirela atu vyongo vinjinji vyothakala vyevyo vya-anairana Yohova. Bibilya linoonga ira “vyodawavyee vitoinjiva fiya dhulu.” (Apokalipse 18:5) Mu vyawa vinjinji, mareligiau onama takadhi tavolowelanga vyandale, limbi-a kondo, thitho rumeli-a venango iri-a ira atu anjinji tapiwe. Anamasogolela enango amareligiau onama tanofuna kala ofuma thitho tanovepa atu amareligiauni mwiwamo ira taava-enga kobiri. Vinoira aliwavi nguumboni oi katinom’mwidhiwa Nlungu navang’onovene. Ee-no katina ufulu oonga ira mbaarumiwi a Nlungu.—Muleri 1 Juwau 4:8.

3. N’nga Nlungu unovwa a-vi aona vinoira mareligiau onama?

N’nga akala ira nyo munosukwala na vyoira vya mareligiau onama, munothuulela ira Yohova unovwa a-vi? Yohova unodhiveliwana atu. Mbwenye unoidanana vyoira vya anamasogolela amareligiau onama anofunji-a atu vyokuza liye, noirelanga vyongo vyothakala atu a religiauni mwiwamo. Yohova unolanyedha ira unodha nonga mareligiau othene onama thitho “katinodha kalaove.” (Apokalipse 18:21) Vachineneeva Nlungu unodha nonga mareligiau othene onama.—Apokalipse 18:8.

FUNJEDHANI VINJINJI

4. N’nga Nlungu unorumeli-a mareligiau othene?

Atu anjinji anororomela ira mareligiau othene ali ninga ndhila dho-iyana-iyana dhinofii-a atu wa Nlungu. N’nga vyevyo pyaimbarimbaridi? Muleri Mateu 7:13, 14, mwamala mutapanye yofuka yo-arelai:

• N’nga Bibilya linoonga vyoi a-vi vyoonga ndhila inosogolela atu uingumi yo-omala?

Muonele VIDEO, mwamala mutapanye yofuka yo-arelai.

VIDIYO: Kodi Mulungu Amavomereza Zipembedzo Zonse?—Kachigawo Kake (3:22)

• N’nga Bibilya linoonga ira vatokala mareligiau manjinji anomdhiveliwi-a Nlungu?

5. Vinoira mareligiau onama kavinothonyi-edha ira Nlungu ngwaudhivela

Mareligiau onama takadhi tairanga vyongo vyothakala maningi, vyevyo vinoiri-a atu onanga ira Nlungu kai waudhivela. Mwaifwanafwani-o, tanolimbi-a kondo weo uli dawa ulukulu. Ira muone moda unoirela aliwa vyevi, muonele VIDIYO. Mwamala mutapanye vyofuka vyo-arelavi.

VIDIYO: Matchalitchi Analimbikitsa Nawo Nkhondo Yachiwiri Yapadziko Lonse (2:22)

• N’nga mareligiau manjinji tairile nʼni wari mwakondo yanambili yavailambo yothene yavathi?

• N’nga nyo munovwa a-vi mwathuulela vyairile aliwavyo?

Muleri Juwau 13:34, 35 na 17:16. Mwamala mutapanye vyofuka vyo-arelavi:

• N’nga nyo munothuulela ira Yohova unovwa a-vi aonanga mareligiau tavolowelanga kondo?

• Mareligiau onama tanoirana vyongo vinjinji vyothakala. Pivyongo vivi vioninyo vinooni-a ira mareligau onama katinothonyi-edha udhivela wa Nlungu?

6. Nlungu unofuna ira atu tali mureligiau lonama takumemo

Muleri Apokalipse 18:4,a mwamala mutapanye yofuka yo-arelai:

• N’nga nyo munovwa a-vi mwathuulela vyoi Nlungu unofuna kami-a atu anonami-iwa na mareligiau onama?

7. Dhowananive funjedha vyokuza Nlungu waimbarimbari

Vyongo vyothakala vinoira mareligiau onama, kaviuiri-eni i-yachi roromela Nlungu noroma m’mona ira ngothakala. Kathuulelani vyamwana a-anofuna vwela babee voi e-no mwanuo utosakula kumavo vandhe noroma iranga makalelo othakala maningi. Mbwenye babeuo kanovwelana na vinoira mwaneuo. Mwasiwa ngwani vinokala vyodawa m’momba landu babeuo namwasa wa vyoira vya mwanuo?

• N’nga pyovweya m’momba landu Yohova no-iyachi funjedha vya liye namwasa wa vyongo vyothakala vinoira mareligiau onama?

MAKUNDO OGWANDELA

Mareligiau onama takadhi tanami-anga atu voonga vya Nlungu mofunji-a vyonama thitho noira vyongo vyothakala maningi. Mbwenye Nlungu unodha nonga mareligiau othene onama.

Vyofuka vyowelela

• N’nga nyo munovwa a-vi mwathuulela vinofunji-a na vinoira mareligiau onama?

• N’nga Yohova unovwa a-vi na vinoira mareligiau onama?

• N’nga Nlungu unodha iran’ni namareligiau onama?

IDHIWANI VINJINJI

Muone ndhila mbili dhinothonyi-edha ira munoirela mareligiau manjinji onama vyongo vyo-omsangalali-a Nlungu.

“Kodi Zipembedzo Zonse N’zofanana Ndipo Zimathandizadi Anthu Kudziwa Mulungu?” (Mwasa wavasaiti)

N’nga mwasiwa ngwan’ni Yohova unofuna ira nigumaneenga vambo-i naafwi-u?

“Kodi Pali Vuto Ngati Munthu Atakhala Kuti Sali M’chipembedzo Chilichonse?” (Mwasa wavasaiti)

Padri anookaikela vyongo vyaira religiau lee. Mbwenye vyevi kavim’mwiri-idhe i-yachi funjedha imbarimbari yoonga Nlungu.

“N’chifukwa Chiyani Wansembe Anasiya Chipembedzo Chake” (Galamukani!, Fevereiro wa 2015)

Vyawa vinjinji, mareligiau onama takadhi tafunji-anga vyonama vinoiri-a atu onanga ira Nlungu kanonidhiveliwana, thitho ngwauwalanga. Idhiwani imbarimbari yoonga vyonama viraruvi.

“Mabodza Amene Amalepheretsa Anthu Kukonda Mulungu” (Nsanja ya Olonda, 1 wa Novembro wa 2013)