Chini inom’mwireela mutu akwa?

N’nga mutoroma kweliwavo? Atu enango takweliwa tanodhifuka ira: ‘Chini inom’mwireela mutu wukwide? N’nga pyoodeya dhaonana akoka na odhiveliwiwa yi-u takwide?’ Muyofunjedha yei na yo-arela, ninodha fwanya vyowakula vya vyofuka vyevi.

1. Chini inom’mwireela mutu akwa?

Yesu atofwanafwani-a wukwa na irulo ilukulu. N’nga wukwa unofwanafwana a-vi na irulo? Mutu unogona irulo ilukulu, kanoidhiwa iliyothene inoireya. Mutu akwa kanovwa upa uliwethene thitho kanogumanana nyarwa, mudhila inango iliyothene. Bibilya linoonga ira: “Atu okwa katinoidhiwa iliyothene.”—Muleri Namalaleya 9:5.

2. N’nga idhiwa imbarimbari ya vinoireya mutu akwa unanikami-e a-vi?

Atu anjinji tanoova wukwa thitho tanoova atu takwide. Mbwenye mwafunjedha vinoonga Bibilya va mwasa wa wukwa munolimbi-iwa maningi. Yesu atoonga ira: “Imbarimbari inodha uthathulani.” (Juwau 8:32) Mareligiau enango tanofunji-a ira vatokala yongo inango inodhowanave kaana ingumi mutu akwa. Mbwenye Bibilya kalinofunji-a vyevyo. Ee-no mutu akwa kanogumana nyarwa venango uvwa upa. Thitho atu takwide katinonipei-a namwasa oi katinoidhiwa iliyothene. Ee-no, kaninofwanela ira iliyothene yothonyi-edha ira ninolambela venango lemeza atu takwide voova ira tanonipei-a.

Atu enango tanoonga ira tanooda onga naatu takwidhe. Mbwenye vyevi kavinoodeya. Ninga mwemo mufunjedhile i-yo, atu takwide “katinoidhiwa iliyothene.” Atu tanothuulela ira tanoonga naabaliwa takwide, tanokala taonganga na viwanda vinofwanafwani-edha kala ninga mutu ukwiduo. Ee-no idhiwa imbarimbari ya vinoireya mutu akwa, unonibarela ira na-aruchi-iwe na viwanda. Yohova unoniwenjeli-a ira na-awesedhe onga naatu ale takwide namwasa oi utoidhiwa ira onga na viwanda unonidi-edhela nyarwa dhilukulu.—Muleri Dotornomio 18:10-12.

3. Chini inom’mwireela mutu akwa?

Vailambo yothene yavathi atu tanororomela vyongo vyo-iyana i-yana vamwasa wa vinom’mwireela mutu wukwide. Mbwenye vinjinji mwa vinororomela aliwavi, kai vyaimbarimbari.

• N’nga atu anjinji atatamoni mwinyu tanororomela n’ni va mwasa wa vinom’mwireela mutu wukwide?

VIDIYO: Kodi Chimachitika N’chiyani Munthu Akamwalira?—Kachigawo Kake (1:19)

Muleri Namalaleya 3:20, mwamala mutapanye vyofuka vyo-arelavi:

• Movwelana na lembali, chini inom’mwireela mutu akwa?

• N’nga vatokala yongo inango inodhowanave kaana ingumi mutu akwa?

Bibilya linoniwandela vyoonga wukwa wa Lazaro, oi ali fwee wavarimani wa Yesu. Mwaleringa Juwau 11:11-14, muone vyaongile Yesu vyokuza vyaireile Lazaro angakwide. Mwamala mutapanye vyofuka vyo-arelavi:

• N’nga Yesu afwanafwani-idhe wukwa nan’ni?

• N’nga vyaongile Yesuvi vinanikami-e a-vi idhiwa vinom’mwireela mutu akwa?

• N’nga nyo munoona ira vinoonga Bibilya vamwasa wen’na pyovweya?

4. Idhiwa imbarimbari ya vinom’mwireela mutu wukwidhe unonikami-a

Naidhiwa imbarimbari yokuza wukwa, kaninoova atu takwide. Muleri Namalaleya 9:10, mwamala mutapanye yofuka yo-arelai:

• N’nga atu takwidhe tanooda niirela vyongo vinango vyoopi-a?

Idhiwa imbarimbari ya vinofuji-a Bibilya va myasa wa wukwa, unonikami-a ira na-aroromele yonama yoi atu takwide tanofwanela lambeliwa, lemeziwa venango ireliwa vyongo vinango ira ta-anipei-e. Muleri Esaya 8:19 na Apokalipse 4:11, mwamala mutapanye yofuka yo-arelai.

• N’nga munothuulela ira Yohova unovwa a-vi aona mutu alambelanga venango vepa kami-iwa wa mutu wukwidhe?

5. Idhiwa imbarimbari yoonga vya wukwa unonididili-a rima

Atu anjinji tanofunji-iwa ira tadhakwa tanodha langiwa namwasa wa vyothakala vyairile aliwa tangana ingumi. Mbwenye pyolimbi-a idhiwa ira kavali mutu unooni-iwa nyarwa akwa, angalive mutu uirile vyothakala vinjinji. Muleri Aroma 6:7, mwamala mutapanye yofuka yo-arelai:

• Ninga mwemo mulerile i-yo Bibilyani, mutu wukwide unokala ira utothathuliwa wu vyodawa. N’nga munothuulela ira atu takwidhe tanoona nyarwa namwasa wa vyothala viirile aliwa tangana ingumi?

Namwidhiwa pama Yohova, ninozindiyela ira liye kanooni-a nyarwa atu takwide. Muleri Dotornomio 32:4 na 1 Juwau 4:8, mwamala mutapanye vyofuka vyo-arelavi:

• N’nga munothuulela ira Nlungu una makalelo alerile i-yo maversonimu, unosangalala oni-a nyarwa atu akwide?

• N’nga munoona ira idhiwa imbarimbari yoonga vya atu akwide pyodidili-a rima? Mwasiwa ngwan’ni munoonga e-no?

MAKUNDO OGWANDELA

Mutu akwa kanoidhiwa iliyothene. Atu akwide katinooni-iwa nyarwa ulimburo n’nango thitho katinoniirela vyongo vyothakala.

Vyofuka vyowelela

• N’nga chini inom’mwireela mutu akwa?

• N’nga idhiwa imbarimbari yoonga vya wukwa unanikami-e a-vi?

• N’nga idhiwa imbarimbari yoonga vya wukwa unanididili-e a-vi rima?

IDHIWANI VINJINJI

Muone madhu oi “zimu” vinothapulela aliwa Bibilyani.

“Kodi Moyo N’chiyani” (Mwasa wavasaiti)

Muonele vidiyo ira muone akala Nlungu unoka-a atu vamuloni.

Kodi Mulungu Amaotcha Anthu Kumoto? (3:07)

N’nga ninofwanela ova atu takwide?

Kodi Mizimu ya Akufa Ilipodi? (broxura)

Muone mwemo idhiwa imbarimbari ya vinoireya mutu akwa mukami-edhele aliwa mutu unango.

“Ndinapeza Mayankho Ogwira Mtima a Mafunso Anga” (Nsanja ya Olonda, 1 wa Fevereiro wa 2015)