Mukami-enga pingwinyu

Vailambo yothene anamalaba a Yohova anosangalala labela Yohova, m’mipingoni ya isa inokala aliwa. Aliwa anosangalala na malangi-o anowachela aliwa thitho anodhilimbi-edha kami-a pingwiwa mundhila dho-iyana-iyana. N’nga nyo munoona ira munofuneela kami-a pingwinyu?

1. N’nga muno-indi-edha a-vi basa hora na kopolo dhinyu vokami-a pingo?

I-yo othene ninoodha kami-a pingoni mundhila dho-iyana-iyana. Mwaifwanafwani-o, n’nga pingoni mwinyu mutokala atu enango enao ali andimuwa oulula anobulela? N’nga munooda akami-a ira tafwanyeyenga vamigumanoni? Venango munooda akami-a va vyongo vinango ninga agulela vyongo venango akami-a laba basa lavanyumbani viwa? (Muleri Yakobo 1:27.) Ninooda dhivelela makami-a vosaka-edha nocheni-a Nyumba ya Umwene. Kavali mutu unanikanyi-edhe laba basaleli. Mbwenye yofuneela choi ninom’dhiveliwana Yohova na abali-u “ninodhivelela mofunechecha.”—Salimo 110:3.

Amboni dha Yohova obadiziwa tanooda kami-a pingoni mundhila dhinango. Abali anokwakwaneli-edha makundo amalembani oakami-a ira tafwanelele izo pingoni, tanosakuliwa ira talabenga ninga arumiwi okami-a thitho vira wahora anofwanelela kala andimuwa avapingoni. Abali naarongola anooda wenjedhela va vinoira aliwa vabasa lolaleela volaba ninga apainiya. Amboni enango anooda kami-a volaba naaliwa basa lomanga mamburo olambelela, venango tanooda thamela pingoni unofuneela atu ira tamakami-e.

2. N’nga nina-indi-edhe basa a-vi kobiri na vyongo vi-u vokami-a pingo?

Ninooda “m’lemeza Yohova na vyongo vi-u vya pereso yavadhulu.” (Sanganiko 3:9) Ninosangalala maningi i-ndi-edha basa kobiri na vyongo vi-u ira nikami-e pingwi-u thitho basa lolaleela linoireya vailambo yothene. (Muleri 2 Akoritiyo 9:7.) Vyongo “vinovelela i-yo,” vino-indi-edhiwa basa vaireya masoka a vilengo. Atu anjinji tanosakula ira hora dhothene ta-elenga vyongo vinango vakundu ira taode velela. (Muleri 1 Akoritiyo 16:2.) Ninooda velela kobiri dhi-u vo-indhi-edha basa makaxa a vyovelela enao anofwanyeya mamburwi-u olambelela, venango ninooda velela dhela va donativo ya jw.org. Yohova utoniva-a ngari yothonyi-edha ira ninom’dhiveliwana thitho ninooda ira vyevi vovelela vyongo vina i-yo.

FUNJEDHANI VINJINJI

3. Ninooda indi-edha basa vyongo vina i-yo

Yohova na Yesu anodhiveliwana atu anovelela mosangalala. Mwaifwanafwani-o, Yesu atosimba i-yana wa makwele wenuo angalive ira an’na vixikobiri vyoeva maningi, atovivelela wa Yohova. Muleri Luka 21:1-4, mwamala mutapanye vyofuka vyo-arelavi:

• N’nga ninooda velela wa Yohova akala nitokaana kobiri dhinjinji baa-i?

• N’nga Yohova na Yesu anovwa a-vi navelelanga mokumela vathi va rima?

Ira muone mwemo vyovelela vi-u muna-indi-edheliwa aliwa basa, muonele VIDIYO. Mwamala mutapanye yofuka yo-arelai.

VIDIYO: ‘Muzipereka Mphatso kwa Yehova’ (4:47)

• N’nga vyovelela vino-indi-edhiwa a-vi basa ira vikami-e mipingo vailambo yothene?

4. Ninooda dhivelela volaba mabasa enango

Anamalaba a Yohova a walelene tanodhivelela volaba basa losaka-edhela mamburwiwa olambelelamo. Aliwa tanoirana vyevi angalive ira tatovelela wale kobiri dhokami-edhela basa leli. Muleri 2 Limbili 34:9-11, mwamala mutapanye yofuka yo-arelai:

• N’nga namalaba wa Yohova uliothene wau Israeli akami-anao a-vi vosamalela nyumba ya Yohova, venango ira mamburo olambelela?

Ira muone mwemo a Mboni dha Yohova munoirela aliwa vyongo movwelana na ifwanafwani-edho ya Bibilyani yen’na, muonele VIDIYO. Mwamala mutapanye vyofuka vyo-arelavi.

VIDIYO: Kusamalira Malo Athu Olambirirapo (3:31)

• Mwasiwa ngwan’ni ninofwanelela laba basa losaka-edha thitho cheni-a nyumba ya Umwene?

• N’nga ndi vyongo vivi vyevyo vinairenyo vokami-a samalela mamburwi-u olambelamo?

5. Abali tanooda wenjedhela va vinoira aliwa ira tafwanelele va-iwa vizo vinango

Malemba tanolimbi-a abali ira tadhilimbi-edhenga ira vyothene vinaode aliwa vokami-a pingo. Ira muone ifwanafwani-o ya munairele aliwa vyevi, muonele VIDIYO. Mwamala muwakule yofuka yo-arelai.

VIDIYO: Abale—Yesetsani Kuti Mugwire Ntchito Yabwino (5:19)

• Vidiyonimu, n’nga Pedro airile vyoi a-vi ira airenga vinjinji vokami-a pingo?

Bibilya linoonga vyevyo abali vinaire aliwa ira tafwanelele kala arumiwi okami-a thitho andimuwa avapingoni. Muleri 1 Timoteo 3:1-13, mwamala mutapanye vyofuka vyo-arelavi:

• N’nga abali anofuna laba ninga arumiwi okami-a thitho andimuwa avapingoni tanofwanela kwakwaneli-edha vyongo vivi?

• N’nga atu a banja liwa anofwanela kaana makalelo oi a-vi?—Muone versu 4 na 11.

• N’nga uliothene pingoni unoganyali a-vi abali tadhilimbi-edhanga kwakwaneli-edha vyongo vyevi?

MAKUNDO OGWANDELA

Yohova unosimba maningi vyothene vinoira i-yo vo-indi-edha basa hori-u na kopolo dhi-u thitho vyongo vina i-yo vokami-a pingo.

Vyofuka vyowelela

• N’nga nina-indi-edhe a-vi basa hori-u na kopolo dhi-u vokami-a pingo?

• N’nga nina-indi-edhe avi basa vyongo vina i-yo vokami-a pingo?

• N’nga ndi vyongo vivi vinofunanyo irana vokami-a pingo?

IDHIWANI VINJINJI

Muone mwasiwa Nlungu kanofuna ira atu anomlambela tavelelenga yakhumi malamboano.

“Kodi Baibulo Limanena Zotani pa Nkhani Yopereka Chakhumi?” (Mwasa wavasaiti)

Bibilya linoonga vya vizo vinova-iwa alombwana enango abadiziwa. Nʼnga vinokala a-vi i-yana afuna kaana vizo ninga vyevi?

“Zindiyela maromelo a muru wa pingo” (Nsanja ya namaingʼanela ya Fevereiro wa 2021)

Muonele vidiwila ira muone mwemo Amboni dha Yohova enango olimba rima mwairela aliwa ira tamavelele mabukhu wa makristau afwiwa.

Ntchito Yotumiza Mabuku ku Congo

Muone ndhila dhinofwanyela i-yo kobiri dhowendi-edha basa li-u yeniyo ili yo-iyana maningi na mareligiau enango.

“Kodi Ndalama Zoyendetsera Ntchito Yanu Zimachokera Kuti?” (Mwasa wavasaiti)