Moda ofunji-a atu bukhu la Ingumi yokalao dhowa nodhowa!

Mwa-anadhowe mafunjedha na mutu Bibilya

1. 

   1. Mukozeele pama. Vanakozeelenga nyo muthuulele vinofuneela namafunjedhuo, moda uli vyongo vaingumiyee na vinororomela liye. Muvaeletu ona makundo oi anooda m’rucha vwechecha venango a-indi-edha basa. Muone thitho mwemo vikhundu vyoi “Idhiwani vinjinji” munam’kami-edhe aliwa. Mukale okozeya ira muvi-indi-edhe basa wari mofunjedha winyu.

Mwari mofunjedha Bibilya

1. 2. Murome na lobelo thitho mumari-e na lobelo namafunjedhuo arumela.

2. 

   3. Mudhilimbi-edhe ira mwa-aongenga vinjinji. Mutapanyenga makundo ali wari mwayofunjedhayo thitho mum’va-enga pata namafunjedhinyu ira aonge mathuulelwe.

3. 4. Mwafunanga roma va ikhundu iliyothene va vikhundu 4 vya bukhuli, muleringa madhu oi “Ifunelwee choi.”

4. 5. Mwamari-anga ikhundu iliyothene, mu-indi-edhenga basa likundo loweli-edha ira mum’kami-e namafunjedhinyu thuulela vifunjedhile liye.

5. 6. Mutapanyenga yofunjedha yothene na namafunjedhinyu:

   1. Muleringa ndima.

   2. Muleringa malemba othene alembiwile ira “Muleri.”

   3. Munooda leri malemba enango akala pyofuneya.

   4. 

      Muonele mavidiyo othene alembiwile ira “Muonele” (akala mutoakaana).

   5. Mum’fukenga vyofuka vyothene namafunjedhuo.

   6. Mugogomedhenga makundo a viruthiruthi ali va ikhundu yoi “Funjedhani vinjinji” novepa namafunjedha ira awakule.

   7. Mu-indi-edhenga basa kwadru loi “Vyofuna vyanga” ira namafunjedhinyuo aonenga mwemo munodhowela liye vasogolo. Munooda m’limbi-a ira akwakwaneli-edhe ifunelo yauzimu iva-iwile liye, idhi-elenle liye venango vifunelo vilivyene.

   8. Mum’fukenga namafunjedhinyu akala vatokala mwasa venango vidiyo iliyothene ya vaikhundu yoi “Idhiwani vinjinji” im’sangalali-idhe vyakozeela liye yofunjedhayo.

   9. Mudhilimbi-edhenga ira vakada funjedha uliwethene mumalenga yofunjedha imbo-i.

Mwamala funjedha

1. 

   7. Dhowananive m’thuulela namafunjedhinyu. Mum’vepenga Yohova ira am’raeli-e namafunjedhinyu namwasa wa thindhilee thitho ira auva-eni zelu dhom’kami-edhana namafunjedhinyuo.