Nyo muna kozeela Ithuulelo?

Paska yogomi-edha ya Yesu ingaodile kala yavakundu vinjinji. Liye atoidhiwa ira amala vevo unokwa. Ngumwasiwa liye atooda kozeela pama ira aode udya vambo-i na arumiwee Paska eno atokaathi-a yongo yo-iyana na vyaidhi atu va hora yeniyo, Yodya yai gudugudu ya Mbwiye. Yesu atomvepa Pedru na Juwau ira tasaka-edhele pama vasala vafuna aliwa dyelavo Paska. (Luka 22:7-13; Muone iruthiruthi yava kapani.) Vyevyo vinonifunji-a ira na-iyene thitho ninofwanela kozeela pama Ithuulelo inofuna dhaireya va 27 wa março. Pyo-oira kaikela ira pingo utomala sakula limburo unofuna dhaireela mwambo wen’na, unofuna dhaonga mwasa, akalinde, mutu unofuna dhaocha pau na vyongo vinango. N’nga nyo munaire a-vi ira muode kozeela pama Ithuulelo?

Mukozeeli-edhenga pama riminyu. Muleringa Bibilya mo-arela tandha wa hora ya Ithuulelo thitho muvithuulelenga. Thandha wen’na munoufwanya bukuni la Kuphunzira Malemba Tsiku ndi Tsiku. Venango mwafuna thandha mwinango okaana vinjinji, muone Apêndice B12 da Tradução do Novo Mundo da Bíblia Sagrada. (Muone thitho Ingumi yi-u na Urumiwi, abril wa 2020.) Mwafuna fwanya makundo enango oonga vya funeya wa joombolana ira muode i-ndi-edhela basa volambela wava banjani, muone Índice das Publicações da Torre de Vigia venango Buku la Mboni za Yehova Lofufuzira Nkhani.

Mwaaitanele atu enango ira tadhafiye vaithuuleloni. Mundilimbi-edhe itanela atu anjinji Ithuuleloni. Muthuulele mwa-eni ira mbaani unofuna nyo m’mwitanela va ithuuleloni. Mofwanafwani-a, maulendwinyu owelela, atu aafunji-idhe nyo Bibilya ndulimu, atu oidhiweya, abali na aututu. Andimuwa avapingoni anofwanela thuulela vya atu afookile ira taaitalelevo. N’nga akala ira nyo mutoitana muto a-ali wa vatatamoni vinyu onolaleela nyo? Muvolowe vasaitini ya jw.org, mutobole va I-YO NILI ANI mwamala mudhowe va Ithuulelo. Vevo munooda fwanya limburo na hora inofuna ireela “Ithuulelo”iono ya waniwa mutuo.

N’nga chiyongo iivi inango inofuna i-yo ira vokozeela Ithuulelo?