Langiwa—Unooni-a udhivela wa Yohova

Langiwa uno-indi-edhiwa basa vofuna funji-a no va-a ndhila yapama yoirela vyongo. Thitho unooda i-ndi-edhiwa basa vofuna mlanga mutu ira achinyuwe ira a-iye yongo yothakala. Yohova unonilanga mwatundu unofuneela i-yo ira niodenga mlambela liye mwamakalelo apama. (Aroma 12:1; Aeb 12:10, 11) Hora inango langiwa unooda oniwa ninga o-ofwanelela, mbwenye langiwa unonikami-a ira nimlambelenga Yohova mwandhila yofwanelela thitho unoniva-a maraeli-o. (Sang 10:7) N’nga mutu unofuna langi-a mutu mwinango unofwanela idhiwan’ni? N’nga mutu unolangiwa unofwanela thuulelan’ni?

Malimbo funa langi-a. Venango ndimuwa wavapingoni, namabala venango mutu mwinango, pyofuneya dhilimbi-edha irana vyevyo mwapama na mwaudhivela, momsazi-a Yohova. (Jer 46:28) Thitho akala mutu unofuna langi-a mwakopolo unofwanela irana vyevyo mokaana madile, mo-osimbwa fewi-a thitho mo-osimbwa kwaranyi-a madile. Volangi-a pyofwanela ona ira vyevyo vikumele mwaudhivela.—Titu 1:13.

Malimbo langiwa. Mutu unolangiwa unofwanela rumela zelu dhinowandeliwa liyedho ira aode chinja ninga munofuneela mombaranya. (Sang 3:11, 12) I-yo othene nili atu o-olongomana ngumwasiwa ninofuneela langi-iwa hora dhinango. Vyevyo vinooda ireya mwandhila dho-iyana-iyana. Mofwanafwani-a, ninooda langi-iwa dhela moleri Bibilya, venango va vinovwa i-yo vamigumanoni. Venango atu enango anofwanela langi-iwa dhela mwa komisau yotonga. I-yo narumelanga langiwa na Yohova, ninokaana ingumi yosangalala chineeva na sogolo mwadhowa no dhowa.— Sang 10:17.

MUONELE VIDIYO YOI “YEHOVA AMALANGA ALIYENSE AMENE IYE  AMAMUKONDA,” MWAMALA MURUMELE VYOFUKA VYO-ARELAVI:

• 

  N’nga bali Canon aulukuli-iwile na makalelo atunduuvi n’nga vyaireile chini ndulimwiwa?

• 

  N’nga bali Canon akami-iwile a-vi ira awelele wa Yohova?

• 

  Mufunjedhilevon’ni va vyoireya vaingumi ya bali Canon?