Makundo okami-a vofunjedha
Mulokotenga muruni “Nyumbo dhauzimu”
Lorraine wau U.S.A. aongile ira, “Ndaroma viona ninga mutu o-okaana basa, Yohova unondikami-a vo-indi-edha basa nyumbo dha JW Broadcasting®.”
Makristau takadhi ta-indi-edhanga basa “nyumbo dhauzimu” volambela wiwa wavabanjani. (Akol. 3:16) Akala munofunjedha thitho lokota muruni nyumbodhi, dhinodha ukami-ani masiki vahora ya-anakaena nyo bukhu la nyumbo lodindiwa venango la telefonini. Makundo o-arelala anooda ukami-ani ira mulokotenga muruni nyumbodhi.
Muleringa madhu anyumbwao mwapolepole ira muvwecheche vinothapulela aliwa. Mutu unooda thuulela madhu akala utoavwechecha phama vinothapulela aliwa. Va jw.org vanofwanyeya madhu anyumbo dhi-u thangani-avo Nyumbo dha Broadcasting na Nyumbo dhaa-ima. Mutobole valembiwile ira Laibulale, mwamala mudhowe valembiwile ira Nyumbo.
Mulembenga madhu anyumbwao. Mwaira e-no, paevo madhu anyumbwao vanokaatheya aliwa phama mathuuleloni mwinyu.—Dotor. 17:18.
Muwesedhenga omba nyumbodho mokumi-a madhu venango mogweli-a madhu. Muleringa noomba madhu anyumbwao moweli-edha weli-edha.
Muwesedhenga ira muone akala mutodhilokota muruni. Mudhilimbi-edhenga thuulela madhu anyumbwao mwa-anaonele bukhuni mwinyu, mwaira e-no nyo dhula bukhu linyu ira muone akala mutodhilokota muruni.