N’nga mutokaana iroromelo?

Ira nim’sangalali-enga Yohova, ninofwanela kaana iroromelo. mbwenye Bibilya linoonga ira “kai atu othene ana iroromelo.” (2 At. 3:2) Voonga madhu enala, rumiwi Paulo aonga vya “atu othakala maningi,” enao tam’moni-a nyarwa thitho afuna ira avulumuchiwe waaliwa. Mbwenye viongile liye vamwasa wairoromelwila, vinokuza thitho atu enango. Atu enango katinofuna rumela umboni oi utokala namapanducha. (Aro. 1:20) Voi atu enango anoonga ira anororomela yongo inangoyee venango mutu mwinango wakopolo maningi. Mbwenye iroromelo yei kai yeyo inofuneela ira mutu am’sangalali-enga Yohova.

Ninofwanela roromelanga ira Yohova utokalao thitho unovelela yotuva waatu enao ana iroromelo yolimba. (Aeb. 11:6) Iroromelo ndi kalelo linokaana mutu mokami-iwa na zimu ochena. Ee-no lobela wa Yohova, unooda m’kami-a mutu ira awachele zimu ochena wa Nlungu. (Luk. 11:9, 10, 13) Ndhila inango yeniyo mutu inawachelena liye zimu ochena, ndi leri madhu a Nlungu enao avudhelele liye vo-indi-edha basa zimuo. Namala nithuulelenga modi-a vilerile i-yovyo novi-indi-edhanga basa. Nairangana vyongo vyevi, zimu wa Yohova unodha nikami-a vaingumii-u thitho ninodha kaana iroromelo yeniyo inom’sangalali-a.