Mareferensiya a malemba anooda ukami-ani

Mareferensiya a Bibilya la Ilambo Ipya la Malemba Opambuleya, anooni-a ira vikhundu vyo-iyana-iyana vya Bibliya pyovwelana, voukami-ani fwanya malemba enango oi atokaana makhundo owenjedhela vamwasa unolerinyo. Mareferensiyala ndi maletra mang’ono oi anofwanyeya sogolo wa madhu a versu. Akala muna Bibilya lavamandhani, munooda fwanya maletra mang’ono ofwanafwana na enala mulinya la vari va thakhuru ira mufwanye malemba enango ana myasa yolandana. Mbwenye akala muno-indi-edha basa saiti ya jw.org venango apilikativo wa JW Library^®, mutobole letralo ira muone malemba enango.

Mareferensiya anooda ukami-ani fwanya myasa yo-iyana-iyana, mofwanafwani-a, ninga:

Myasa yolandana: Referensiya linooda ukami-ani fwanya malemba enango olandana na mwasa unolerinyo. Mofwanafwani-a, muone lemba la 2 Samueli 24:1 na 1 Limbili 21:1.

Ukhumele madhu enango: Referensiya linooda ukami-ani idhiwa ukhumenle madhu enango. Mofwanafwani-a, muone lemba la Mateu 4:4 na Dotornomio 8:3.

Kwakwaneli-edhiwa wa ulosi: Referensiya linooda ukami-ani idhiwa moda wakwakwaneli-edhiwile ulosi unango. Mofwanafwani-a, muone lemba la Mateu 21:5 na Zakariya 9:9.