YOFUNJEDHA 7

I-ndi-edhani basa madhu aimbarimbari

Luka 1:3

MUNAIRE AVI?: Mu-indi-edhenga basa madhu onyindeleya ira mwaakhami-e atu zindiyela okhave imbarimbari.

I-ndi-edhani basa madhu onyindeleya. Vinaonganyo vyikhale vyokhumela mmadhu a Nlungu thitho muleringa Bibilyani. Akhala ira nyo munofuna i-ndi-edha basa madhu a siyensia milanyu istoriya venango madhu enango mwiing’anecheche akhala ira madhwao mbonyindeleya venango ano-indi-edhiwave basa.
Khamuwenjedhele madhu. Muthapulelenga malemba movwelana na Bibilya thitho na mabukhu a “dhari ororomeleya na wazelu” anoonga aliwa vyamwasuwo. (Mat. 24:45) Mwa-indi-edhanga basa madhu onyindeleya enango khamuchijenga yothaphulela ya vilembiwilevyo.

Muire pholephole ova ira munachinje maveelo a madhwawo. Onga ira “atu enango” kho-iyana na “atu anjinji” “vyoireya vinango” kho-iyana na “vyoireya vinango vyothene” “vyevyo vinooda ireya” kho-iyana na “vyevyo vinoireya”.
I-ndi-edhani basa madhu ira muthuulelenga naatu. Mwamala leri lemba venango onga madhu mufukhe yofukha na onga vifwanafwani-o ira mwaakhami-e atu zindiyela okhave imbarimbari.