N’nga munaganyali a-vi na bukhu loi Kuphunzira Malemba Tsiku ndi Tsiku?

Nyo mutokhaana ilemeelo yoleri malemba anofwanyeya m’bukhu loi Kuphunzira Malemba Tsiku ndi Tsiku na vyowakhula viwa? Akhala ira munarumela ira e-i, munoona a-vi roma iranga vyevyo dambo na dambo? Atu anjinji anoleri lemba la dambo namaebe-i ira taodenga thuulela makhundo a lembalo ta-indanga mabasiwa. (Yoswa 1:8; Sal 119:97) N’nga nyo munaganyali a-vi na vinafunji-a bukhu loi Kuphunzira Malemba Tsiku ndi Tsiku? Muleringa ndimiyo na lemba la Bibilyani la dambo lelo. Vyevyo vinoukhami-ani vwechecha phama viongiwilevyo. Yongo inango inofwanela nyo iranga khuthuulela ifwanafwani-o ya Bibilyani yovwelana na lemba la dambo lelo. Mwaira eno, mu-indi-edhenga basa vifunjedhile nyo vaingumi yinyu. Nyo mwairanga vyosakhula movwelana na vinoonga Bibilya, mwaimbarimbari munodha ganyali.—Sal 119:105.

Mabanja a Beteli availambo yothene yavathi anofunjedha Kuphunzira Malemba Tsiku ndi Tsiku vayodya yanamaebe-i. Vyawa vivirile chineneeva funjedha wa lemba la dambo na dambo unaireya vayodya yanamaebe-iwu, uto-eliwa va JW Brodcasting, vaikhundu yoi MAPULOGALAMU KOMANSO ZOCHITIKA ZINA. N’nga fendo yomari-a yaonelenyo funjedha wewu ti-elini? Venango imbo-i mwa mavidiwala njiudhivenleni. Mofwanafwani-a, munofunjedhavon’ni vaifwanafwani-o ya Loti vamwasa osakhula vyongo?

ONELANI VIDIYO YOI MUSAMAKODE DZIKO (1JU 2:15), MWAMALA WAKHULANI VYOFUKHA VI:

• N’nga funjedha wanamaebe-iwu ukhumele valemba liivi la Bibilyani?

• N’nga vyoireya vya Loti vinonioni-an’ni vamwasa o-odhiveliwana ilambo vambo-i na vyongo vyailambonimo?—Maro 13:12; 14:12; 19:3, 12, 13, 24-26

• N’nga ninaoni-e a-vi ira ninomdhiveliwana Yohova a-khala ilambo vambo-i na vyongo vyailambonimo?