Chini Inoireya Mutu Akwa?

1-3. Pivyofuka viivi vinokaana atu vyoonga wukwa? N’nga mareligiau anowakula a-vi vyevi?

BIBILYA linolanyedha ira dambo n’nango “wukwa kunodha kalaove.” (Apokalipse 21:4) Muru wa 5, nifunjedhile ira Yesu atokwa mwasa oi nidhafwanye ingumi yo-omala. Mbwenye atu anaave wukwa. (Namalaleya 9:5) Ee-no yofuka ilukulu inadhifuka i-yo choira: Chini inoireya mutu akwa?

² Ninofunechecha yowakula va yofuka yeyi simbwasimbwa bali-u venango fwi-u akwa. Venango ninodhifuka ira: ‘Liye ude wani? N’nga liye unooda niona venango nikami-a? N’nga dambo n’nango ninodha onana okoka?’

³ Mareligiau anova-a vyowakula vyo-iyana-iyana va vyofuka vyevi. Mareligiau enango anofunji-a ira atu apama takwa anodhowa dhulu, mbwenye atu othakala anodhowa maka-iwa muloni. Enango anoonga ira mutu akwa unaathandhuwa kala nemba dhowa makalanga na abalee akwide walelene. Vatokala mareligiau enango anoonga ira mutu akwa unaatongiwa, amala vevo liye baliwa okoka venango fendo dhinango unaachinja kala inyama.

4. N’nga mareligiau manjinji anofunji-an’ni voonga vya wukwa?

⁴ Mareligiau tanofunji-a vyongo vyo-iyana-iyana vyoonga wukwa. Mbwenye mareligiau othene enala tanofunji-a likundo limbo-ive loi tutu la mutu tinakwa. Mbwenye vatokala yongo inadhowanave kaana ingumi mutu akwa. N’nga vyevyo pyaimbarimbari?

CHINI INOIREYA MUTU AKWA?

5, 6. Chini inoireya mutu akwa?

⁵ Yohova utoidhiwa inoireya mutu akwa. Liye unoonga ira mutu akwa, ingumee inamalela vevo. Wukwa ko-iyana nokala waingumi. Ee-no, mutu akwa zelu dhee vyothuulela vyee kavali inadhowanave kaana ingumi limburo n’nango.a Mutu akwa kanoona, kanavwa thitho kanathuulela yongo iliyothene.

⁶ Mwene Solomu atolemba ira “atu okwa katinoidhiwa iliyothene”. Mutu akwa kanakaana dhivelo venango idana na mutu uliwethene. “kuli laba, thuulela vyoira, idhiwa vyongo, venango zelu, masiyeni unaa weewo.” (Muleri Namalaleya 9:5, 6, 10.) I-yavo vyevyo, va lemba la Salimo 146:4, Bibilya linoonga ira, mutu akwa “mathuulelwee anomala.”

N’NGA YESU AONGILE N’NI VYOONGA WUKWA?

7. N’nga Yesu afwanafwani-idhe wukwa na yongon’ni?

⁷ Fwee wavarimani wa Yesu Lazaro angakwide, liye atoawandela anamafunjedhee ira: “Fwi-u Lazaro unaagona.” Mbwenye Lazaro kaaira gona. N’nga Yesu afuna aongen’ni? Vanduli viwa liye atoonga ira: “Lazaro wukwa.” (Juwau 11:11-14) Yesu atofwanafwani-a wukwa na irulo. Liye kaongile ira Lazaro ali dhulu na abalee akwide. Thitho Yesu kaongile ira Lazaro aoni-iwa nyarwa muloni venango ira liye adhowile mabaliwa fendo yanambili na tutu n’nango. Mwaimbarimbari, Lazaro ali ninga uli iruloni ilukulu. Malemba enango a Bibilyani tanofwanafwani-a wukwa na irulo. Bibilya linoonga ira Sitefano angapiwile, liye “u-gona muukwani”. (Mayirelo 7:60) Thitho rumiwi Paulo atolemba ira makristau enango “tanaagona muukwani.” —1 Akoritiyo 15:6.

8. N’nga chini inooni-a ira Nlungu kaanipanduchidhe ira nikwenga?

⁸ N’nga Nlungu ampanduchidhe Adamu na Eva ira takaleo hora yoyeva vanduli viwa takwe? E-i! Yohova atompanducha Adamu na Eva ira takaleo dhowa nodhowa. Aliwa tatokaana ingumi yapama. Thitho Yohova utoniva-a i-yo othene ifunelo yokalao dhowa nodhowa. (Namalaleya 3:11) Vyevyo vinooni-a ira Nlungu kanipanduchele ira nikwenga. Kavali namabala unodhiveliwa aonanga a-imee taululanga thitho takwanga. Yohova ngu Babi-u thitho kanodiveliwa aonanga atu takwanga. N’nga mwasiwa ngwan’ni ninokwa?

MWASIWA NGWAN’NI NINOKWA?

9. Mwasiwa ngwan’ni ninoonga ira lamulo la Yohova lamva-idhe liye Adamu na Eva lali lamulo lo-orucha vwela?

⁹ Mundani mwa Edeni, Yohova atommwandela Adamu ira: “Mwiri uliothene uli mundanimu udyenga. Mbwenye mwiri oidhiwi-a vyapama na vyothakala, kudye, mwasiwa dambo linofunawee udya mwaimbarimbari unokwa.” (Maromelo 2:9, 16, 17) Lamulo leli lali lo-orucha vwela. Mwasiwa ngwan’ni? Mwasiwa ngoi lali lamulo lovweya pama thitho aliwa tatokaana ufulu odya vyova-a vinango. Thitho Yohova anofwanela mmwandela Adamu na Eva vyongo vyali vyapama na vyali vyothakala. A-akale ira aliwa tatovwela, tangaoni-idhe ira anolemeza utongi wa Nlungu. Tangaodile kaana kalelo limbo-i looni-a simba vyothene vyaava-idhe Nlungu.

10, 11. (a) N’nga Satana airile n’ni ira Adamu na Eva ta-amvwele Nlungu? (b) Mwasiwa ngwan’ni ninoonga ira kavali leveleliwa va vyairile Adamu na Eva?

¹⁰ Yovwi-a tangaranga choi Adamu na Eva katamvwele Yohova. Satana atommwandela Eva ira: “N’nga chiimbarimbari ira Nlungu uongile ira kamudyenga vyova-a vya miri yothene ya mundani muno?” Eva atomrumela ira: “Aniwandele ira nidyenga vyova-a vyothene vyamundani muno. Mbwenye vyova-a vya muri uli vaari vamundani Nlungu uongile ira: ‘Kamudye, thitho kamuusakwinye ovi-a munodhakwa’”—Maromelo 3:1-3.

¹¹ Vevo nyowiyo yo-ommwandela i-yanuo ira: “Mwaimbarimbari nyo kamunodhakwa. Voi Nlungu utoidhiwa ira dambo linofunanyo udya yova-a ya mwiri wen’na, methwinyu anodha dhuleya thitho munodha kala ninga Nlungu, munodha idhiwa vyapama na vyothakala.” (Maromelo 3:4-6) Satana afuna aone akala ira Eva angaodile visakulela ira vyapama venango vyothakala. Liye atonama vyafuna ireya ta-amvwele Nlungu. Satana atommwandela Eva ira kanakwa adya yova-iyo. Moi ee-no, i-yanuo atodya vanduli viwa o-omva-a manee ira adye thitho Adamu atodya. Kavali leveleliwa na vyairile aliwavyo! Mwasiwa ngwan’ni? Aliwa tatoidhiwa ira Yohova atoawandela ira katidye yova-iyo. Masiki vyangalive ee-no aliwa tatosakula a-vwela. Tangadyidhe yova-iyo, aliwa tatooni-a ira Katimlemezile Babiwa waudhivela, Yohova.

12. Mwasiwa ngwan’ni a-vwela wa Adamu na Eva watomsukwali-a Yohova?

¹² Yohova atosukwala vinjinji mwasa wa a-vwela wa Adamu na Eva. N’nga aliwa taodile a-vi ira vyevyo? Ali a-lemeza namapanduchiwa! Kathuulelani ira nyo muli namabala mbwenye munodhilimbi-edha vinjinji ira muulukuli-e mwaninyu wa i-yana venango walombwana. Tamala ulukula vanduli viwa aliwa katinauvwelani venango katinaira vyongo vyovwelana na vinofuna nyo. Mwaavivwe a-vi? Kamwathakaleliwe?

13. N’nga Yohova athapulelan’ni vamadhu aongile liye ira “tumbuluniwo unodha welelao?

¹³ Adamu na Eva tangakondile a-vwela Nlungu, aliwa tatoluza ngari yokalao dhowa nodhowa. Yohova atomwandela Adamu ira: “Weyo uli tumbulu thitho tumbuluniwo unodha welelao.” (Muleri Maromelo 3:19.) Vyevi vinofuna vionge ira Adamu atowelela kala tumbulu, ninga vyali liye a-anapanduchiwe. (Maromelo 2:7) Adamu ukwa thitho u-iyachi kalao na mwasa odawa.

14. Mwasiwa ngwan’ni ninokwa?

¹⁴ Adamu na Eva tangakalileove na ingumi fiedha malamboano aakale ira tatomvwela Nlungu. Mbwenye aliwa tatodawa mwasa o-ovwela. Vanduli viwa tatokwa. I-yo othene ninobaliwa na madawo mwasiwa madawo tali ninga urenda wenuo Baba unava-adhe liye mwanee. Mwasiwa ngwenuo i-yo ninokwa. (Aroma 5:12) Mbwenye Nlungu kaafuna vyevyo waatu. Nlungu kanipanduchile ira nikwenga. Bibilya linoonga ira wukwa ngu “mwidani.”—1 Akoritiyo 15:26.

MUKALE OOMBOWA WU VYONAMA VYA WUKWA

15. Mwasiwa ngwan’ni tipama idhiwa imbarimbari yoonga wukwa?

¹⁵ Mareligiau manjinji tanoonga ira atu okwa tanodhowanave kalao na ingumi limburo n’nango thitho pyoodeya airela vyongo vyapama. Fendo dhinango, Balee wa marafula unova-a kobiri ndimuwa wa religiau ira amlobelele marafuluwo. Aliwa katinovwa upa venango sukwala. Katinooda onga, irana vyongo vyapama venango vyothakala. Ee-no kaninofwanela aova atu okwa. Vili pama idhiwa imbarimbari vyoonga wukwa. Mwasiwa ngwan’ni? Mwasiwa ngoi kaninonami-iwa thitho nili oombowa wu mathuulelo othakala.

16. N’nga Satana unofuna ira atu tathuulelengan’ni vyoonga wukwa?

¹⁶ Satana unofuna ira atu tathuulelenga ira atu okwa tatokalaove. Liye uno-indi-edha basa mareligiau onama ira tafunji-e vyonama vyoonga wukwa. Mofwanafwani-a, mareligiau enango tanoonga ira linokwa titutu, mbwenye vatokala yongo inango inadhowanave kaana ingumi limburo n’nango. N’nga religiau linyu linoonga ee-no, venango linoonga vinofunji-a Bibilya? Satana uno-indi-edha basa vyonama vyevi ira atu ta-ammwandamele Yohova.

17. Mwasiwa ngwan’ni Yohova kanodhiveliwana ifunji-edho yoi atu okwa tanaamuloni?

¹⁷ Fendo dhinango, mareligiau tanofunji-a vyongo vyo-iyana vinjinji na vinoonga Bibilya. Mofwanafwani-a, mareligiau enango tanofunji-a ira atu othakala takwa tanodhowa maka-iwa muloni. Mbwenye Yohova kanadhiveliwana vyonamavi. Nlungu kanaode oni-a nyarwa mutu mwamakalelo ninga enala! (Muleri 1 Juwau 4:8.) Kathuulelani vya mutu onammoni-a nyarwa mwana vomka-a mandha na mulo? Mo-okaikela, mungaonile ira mutuo ngwauwalanga vinjinji. Thitho kamwarumele ira mutu ninga wen’na akale fwinyu. Mbwenye Satana unofuna ira atu tathuulelenga ira Yohova ngwauwalanga thitho unoira vyevyo.

18. Mwasiwa ngwan’ni kaninofwanela ova atu okwa?

¹⁸ Mareligiau enango tanofunji-a ira atu okwa timinemba dhanguru moi dhinooda kala amwidani-u venango axamwali-u. Vyevyo vinoiri-a atu enango ovanga atu okwa, thitho aliwa tanodhilimbi-edha vivunela. Thitho atu enango tanofiedhela volambela atu okwa nolobela ira taakami-e. Mbwenye i-yo ninofwanela thuulela ira atu okwa katinaona venango uvwa. Ee-no, kaninofwanela aova. Nivepenga pedhelo na mlambela Yohova ekene mwasa oi ngunamapanduchi-u. Liye ngu Nlungu mmbo-i waimbarimbari. —Apokalipse 4:11.

19. Idhiwa vinommwirela mutu akwa unonikami-a vwechecha n’ni?

¹⁹ Ninga mufunjile i-yo, mutu akwa liye uno-iyachi kalao. Vyevyo vinoniombola vavyonama vinjinji vya mareligiau. Idhiwa ira mutu akwa kanokaana ingumi limburo n’nango unonikami-a vwechecha mwasa uiri-idhe Yohova lanyedha, ingumi yodhowa nodhowa muparadaizo vailambo yavathi.

20. N’nga mu muru o-arela ninodha funjedhan’ni?

²⁰ N’nga vinoodeya ira mutu akwa awelele kalao okoka? Vyawa vinjinji ndulimu, namalaba mmbo-i wa Nlungu airiwa Yobo atofuka ira: “N’nga mutu akwa, unooda khaana ingumi okoka?” (Yobo 14:14) Muru o-arela ninodha ona vyaongile Nlungu vyoonga vyevyo. Yowakula ya Bibilyani chova-a imwerumweru.