N’nga tindhila iivi yapama yofunjedhela vyofunjedha vyevi?
Mufunjedhenga na namafunji-inyu: Vepani funjedha Bibilya wavanyumbani wa mutu uuva-idheni revistali, venango vepani funjedha wavasaiti yi-u jw.org.
IKUNDU YOROMA
Muleri ndima, vambo-i na vyofuka vo-indi-edha basa kore dho-iyana (A) Muleri thitho malemba a Bibilyani ana madhu oi “muleri”. I-yavo vyevyo, pyofuneya leri malemba ali vaikundu ya (B) na mwasa oi anooni-a makundo ofuneya.
IKUNDU YA WAARI
Chindo mwa “idhiwani vinjinji” nyo munodha fwanya makundo ogwandela a yofunjedha (C) makundo alembiwile va (D) anodha onga vinjinji vya makundo ofuneya. Muleri malemba a Bibilyani, mwamala wakulani vyofuka thitho muonele mavidiyo (E).
Thuulelani viruthiruthi na madhu oonga viruthiruthi vya (F) mwamala thuulelani vyaongenyo vaikundu yoi “Atu enango tanoonga ira” (G).
IKUNDU YOMARI-A
Vomari-a yofunjedha, munodha fwanya “makundo ogwandela” na “vyofuka vyowelela” (H). Lembani dambo limari-idhenyo funjedha. Va “onani vyo-arela” (I) munodha ona ndhila dhinango dha vyofuna vyaodenyo kaana. Chindo mwa “ndinofuna ndiidhiwe vinjinji” (J) munodha fwanya malangi-o owenjedheleya mwafunanga funjedha vinjinji voonga vya mwasa wena.
N’nga munafwanye a-vi malemba a Bibilyani?
Yoroma fwanya, tibuku la Bibilyani (A), yo-arela ti kapitulu (B), mwamala verso venango maverso (C). Mofwanafwani-a, Juwau 17:3 thapulela ira bukuli ta Juwau, kapitulu 17, verso 3.