YOFUNJEDHA 14

Mwaakhami-enga atu ira tazindiyelenga makhundo malukhulu

Aebere 8:1

MUNAIRE AVI?: Mwaakhami-e atu ira ta-arelenga mwasinyu thitho ira taonenga vwelana uli vari vamakhundo malukhulu na muru wa mwasauo.

Mukhaengana yolinga. Muvifukhenga ira ifunelo ya mwasula chini? Funji-a khami-a atu ira tachinje mathuulelo venango limbi-a atu? Eno makhundo malukhulu anoukhami-ani fwanya ifunelwinyu.

Muthuulelenga vyofukha vinaona nyo ira atu anooda khaana dhela mwasanimo. Muvifukhenga ira: N’nga atu anavifukha vyofukha vyivi? N’nga vyofukha venango makhundwiwawo tanaathandhe moi avi? Eno nyo muthandhe makhundwinyu mu mukhalelo wenuo ira atu tau-areleni phama thitho ira tarumelele makhundo anafunji-a nyo.
Mugogomedhelenga muru wa mwasinyu. Mwaakhami-enga atu zindiyela makhundo malukhulu mo-orucha. Mwaonganga mwasinyu mugogomedhelenga muru voromola madhu ofuneya vamwasuo venango vo-indi-edha basa madhu olandana na muruwo.
Mukhami-enga atu zindiyela makhundo malukhulu mo-orucha. Musakhenga makhundo malukhulu enao anavwelana na muro wa mwasa thitho enao munaode nyo vwei-a phama mo-otatila hora. Makhundo malukhulu takhalenga oyeva thitho muromolenga likhundo lililothene movweya. Muvumenga vanduli vomala onga likhundo nlukhulu ira mudhowe likhundo linango.

Nyo munooda romola makhundo malukhulu va madhwinyu oroma ira atu tau-areleni. Thitho mwaira eno munooda romola makhundwao khomoni wa mwasuo ira atu taathuulelenga.