Vaduzi na sidadi la Babele vatookala sidadi n’nango laitaniwa Uri. Atu a sidadilo talambela milungu inango a-kala Yohova. Mbwenye sidadimo mwatookala mutu mwinango wenuo am’lambela Yohova baa-i. Dhinalee ali Abrahamu.

Dambo n’nango Yohova atoom’mwandela Abrahamu ira: ‘Uthamemo sidadimu thitho udhowe wu ilambo inofuna miyo uwandela.’ Veva Abrahamu afwanela i-ya nyumbee naabalee. Moi e-no Nlungu atoom’mwandela ira: ‘Ndinodha iri-a ira ukale ziza nlukulu. Thitho dhela mwa wee ndinodha raeli-a atu othene availambo yavathi.’

Abrahamu kaaidhiwa wam’funana Yohova ira adhowe. Mbwenye anom’roromela maningi Yohovuo. Ee-no liye na i-yanee Sara, tatooromari mitolwiwa noroma wenda ulendo olapela. Vaulendula ali vambo-i na babee dhinalee Tera na Loti oi ali mwana balee wa Tera.

Vahora yen’na Abrahamu ali angana vyawa 75. Ee-no liye na banjalee tangawendile ulendo olapela, tatoofiya muilambo yaawandenle Yohova. Ilamboyee yali ya Akanani. Weo Nlungu atoonga na Abrahamu m’lanyedha ira: ‘Ilambo yei ndinodha ivelela wa a-imaa.’ Vahora yen’na Abrahamu na Sara tali tangamadhi ulula thitho katana a-ima. N’nga Yohova akwakwaneli-edhe a-vi yolanyedhayee?

Abrahamu na Sara tatookala banjani wa vyawa vinjinji. Aliwa tatoo-iya nyumba yapama wu Uri nodhowa makalanga matendani. Mbwenye Sara kaadungunya namwasa oi anom’roromela Yohova.

Sara anoofunechecha angana mwana, voi atoofiya vom’mwandela Abrahamu ira: ‘Namalabanga Agara akaana mwana, ndinam’thukulenga ninga mwananga.’ Vira wa hora Agara atoobala mwana wa lombwana. Dhinalee ali Esmaeli.

Vangavirile vyawa vinjinji nyumbani wa Abrahamu na Sara watoofiya alendo araru. Vahora yeniyo Abrahamu ana vyawa 99 Sara ana vyawa 89. Abrahamu atowaitanela alendwao varuthini ira tavume. Thitho tatowaphiyela vyodya. N’nga utoidhiwa ira alendwao tali ani? Tali angelo. Alendwao tatom’mwandela Abrahamu ira: ‘Yawa ya bebe-i we na i-yanaa, munodha kaana mwana wa lombwana.’ Sara angali tendani angavwide vyevi, atooroma theya. Liye athuulela ira: ‘Vyevi pyaimbarimbaridi, na moda uulule miyo ndinodha kaanadi mwana?’

Yawa yo-arela vyaongile ngelule, vyatooireyadi. Sara atoobala mwana wa lombwana. Voi e-no Abrahamu atoom’va-a dhina loi Izaki, thapulela “theya.”

Izaki angana vyawa 5, Sara atoom’mona Esmaeli am’nyozanga thitho m’theya Izaki. Sara vofuna m’barela mwaneuo, atoom’mwandela Abrahamu ira am’tamangi-e Agara vambo-i na mwanee Esmaeli. Voroma Abrahamu kaafuna irana vyevyo. Mbwenye Yohova atoom’mwandela ira: ‘Vwela viongile Sara. Ndinodha m’samalela Esmaeli. Mbwenye viulanyedhile miyo vile, ndinodha vikwakwaneli-edha dhela wa Izaki.’